[retour à un affichage normal]

Mazarinade n° B_19_37

Image de la page

Anonyme [1652], LES PARTICVLARITEZ DV SECOND COMBAT donné entre l’armée de Son Altesse Royale, commandée par Messieurs les Comtes de Tauannes & Baron de Clinchamp, & l’armée commandée par le Mareschal de Turenne, deuant la ville d’Estampes le vingt-neufiéme May 1652. Auec la prise de leurs drapeaux, canons & bagage, & le Neueu du Cardinal Mazarin blessé, & autres. , françaisRéférence RIM : M0_2718. Cote locale : B_19_37.

autres, tirez des trouppes de Monsieur le
Duc de Nemours, le tout faisant au plus
trois mil hommes : Enuiron les deux à trois
heures du matin du 29. fit la descharge des
Mousquetons de sa Caualerie sur les nostres,
qui demeurans fermes, & dans la posture
de gens qui vouloient vendre leur
peau bien chere, firent resoudre ce Mareschal
à les entourer, ce qu’il esperoit faire
d’autant plus aisément, que les troupes des
nostres estoient pressées, & leur nombre de
moitié moindre que les siennes ; & ce qu’il
auroit fait infailliblement sans le secours du
Comte de Tauane, qui ayant obserué la
posture & le dessein de ce Mareschal, sortit
de la Ville à la teste de quatre mil hommes,
qui joignirent de si prés ledit Mareschal,
qu’il se vit luy-mesme enuironné. Ce fut
alors que les deux partis s’échaufferent au
combat, & firent deuoir de bien attaquer &
se bien deffendre ; les nostres n’esperant aucun
secours qu’en la force de leurs bras, &
generosité de leur courage ; & les Mazarins
par la necessité de mourir, ou de s’ouurir par
le fer vn passage pour la fuite : Ce qu’il fit
enfin apres cinq heures entieres de combat,