[retour à un affichage normal]

Mazarinade n° B_7_13

Image de la page

Anonyme [1652], LES MOTIFS QVI ONT PORTÉ SON ALTESSE ROYALLE, A SE DECLARER POVR MONSEIGNEVR LE PRINCE, QVI SERVENT DE IVSTIFICATION A SON MANIFESTE. , françaisRéférence RIM : M0_2509. Cote locale : B_7_13.

de commander aux hommes. L’vnion que
nous auons faitte auec les Parlements doit
seruir de garant à ce que nous venons de protester,
pour procurer l’entiere restauration de l’estat,
nous nauons qu’à les faire obseruer. Comme
elles ont pourueu au bien des particuliers,
elles ont aussi mis à couuert celuy de l’Estat : la
France est vn estat Monarchique gouuerné par
les trois Estats & par les Edits de Roys verifiés
en Parlement, & lors que l’aage des Roys ne
permet pas qu’ils ayent l’entiere administration
du Royaume, la loy donne l’authorité aux Princes
sang, lesquels ayant plus d’interest au bien
de l’Estat en doiuent disposer & corriger les
abus, lors qu’ils s’y sont glissée. Qui doute donc
que la conscience & la generosité ne nous oblige
à remedier à tant de desordres, que l’ambition
d’vn fauory a iettés dans l’Estat ? les Lettres
que i’ay receuës du Prince de Condé mon Cousin,
par lesquelles il requiert mon sécours pour
sa deffense, m’offrant en mesme temps le sien
pour courresus à l’ennemy de tous les bons
François m’obligent à donner tous mes soins
pour faire voir la sincerité de mes paroles. La
requeste qu’il a fait presenter au Parlement
estant si équitable ne peut estre aucunement
refusée, & de tout nostre procedé, de celuy
du Prince de Condé & du Parlement, on peut