Mazarinade n° B_9_32
Image de la page
Anonyme [1652], LES ENTRETIENS DE S. MAIGRIN ET DE MANZINI, AVX CHAMPS ELISIENS. Et l’arriuée du Duc de Nemours au mesme lieu, Auec la description de l’appartement qu’on prepare à Mazarin dans les Enfers. , français, latinRéférence RIM : M0_1251. Cote locale : B_9_32.
en cendres par les Grees, & produisoit de mesme à tous momens
des cris, & des hurlemens espouuentables. Mais il
y a cette difference, que Troye fut consomme en peu de
iours, & que celle-cy brusle tousiours sans se consommer.
Manzini troublé de ce bruit & de l’aspect de cet embrazement,
demanda si son Oncle auroit son appartement en
cet endroit : Mais on luy repartit qu’il ne voyoit encor rien,
& que ce seroit bien-tost le beau du jeu. Ils ne tarderent
que peu de momens à venir iusques au bord de Phlegeton,
dont l’Onde leur parut aussi teinte de sang, cette maudite
riuiere qui baigne les murs de la Cité des Suplices, rouloit
des corps morts de l’vn & de l’autre sexe, & de toutes sortes
d’ages, qu’elle brisoit contre des rochers, plantez au milieu
de son canal, d’espace en espace, & qui redoubloient
son bruit par l’obstacle qu’ils mettoient au cours de ses flots
ensanglantés. Laissant ce Torrent à gauche, ils entrerent
dans la grande rue du faux bourg, d’Enfer, & laquelle conduit
droit au Pont, qui le ioint à la grande Cité des Malheureux
ou des Damnez. Là tous les maux de la vie ont leur demeure,
& les premiers qu’ils y rencontrerent surent les Soucis,
volans comme mouches de toutes les especes, à proportion
de leur grandeur, sinon qu’ils auoient vn esguillon
bien plus apparent. Les Affaires s’y promenoient comme
vne maniere de rats, qui n’alloient que par troupes, parce
qu’elles ne viennent qu’en foule, & qu’elles rongent ainsi
les esprits des pauures mortels. La Haine, l’Enuie, la Ialousie,
la Fureur, la Rage & le Desespoir, y auoient aussi
leur appartement chacun en particulier, & s’y produisoient
auec ostentation sous des formes horribles. Aussi bien
que les Fourbes, les Tromperies, l’Imposture leur maistresse,
& les autres Vertus Cardinales du Mazarin. La Guerre
s’y voyoit en superbe monstre, enuironnée de Messieurs
les Dangers, & de la Dame Famine, qui est vn spectre fort
hideux & decharné. La Guerre Ciuile y paroissoit toute la
derniere, sous la forme d’vn monstre, qui n’ayant que deux
iambes & deux cuisses, vn ventre & vn estomac, auoit plusieurs
Image de la page