[retour à un affichage normal]

Mazarinade n° B_9_32

Image de la page

Anonyme [1652], LES ENTRETIENS DE S. MAIGRIN ET DE MANZINI, AVX CHAMPS ELISIENS. Et l’arriuée du Duc de Nemours au mesme lieu, Auec la description de l’appartement qu’on prepare à Mazarin dans les Enfers. , français, latinRéférence RIM : M0_1251. Cote locale : B_9_32.

l’esprit si plein des pensées de l’autre monde, &
des sujets de ses pertes en particulier, que sa distraction
l’empeschoit de leur pouuoir rien reciter
d’ordre. Seulement il leur témoigna que s’ils trouuoient
bon de rester encor quelque temps en ce
lieu, ils en verroient bien-tost passer beaucoup
d’autres qui les pourroiẽt informer de tout ce qu’ils
desiroient sçauoir, & pria son guide de luy donner
quelque appartement solitaire & paisible, où il
pust souspirer sa douleur en liberté. Le Genie le
conduisit dans vn taillis planté dans vn vallon tres-agreable,
& au fonds duquel couloit vn ruisseau,
dont l’onde par son doux murmure prouoquoit facilement
le sommeil. Il y auoit aussi plusieurs statuës
de Dieux & de Deesses, plantées d’espace en
espace, & des allées où plusieurs ombres se pouuoient
promener de front. Il s’assit sur vn lit de
gazon, & tandis que le Genie à qui le soin de le diuertir
estoit donné par les Destins, executoit quelque
commission que ce nouueau venu luy auoit
donnée, d’aller sçauoir qui arriuoit au port du costé
de Paris, auec charge de le luy amener aussi-tost, si
ce n’estoit quelque ombre de consequence, il dormit
durant plusieurs heures, & réva plus qu’il n’auoit
iamais fait en viuant, parce qu’il estoit au
pays des Visions & des Songes. Enfin s’estant éueillé
iustement au point du retour de son Directeur,
il vit des ombres fort blesmes & fort tristes qui le
salüerent humblement. Il n’eut pas beaucoup de
peine à les reconnoistre, parce que c’estoient celles