Mazarinade n° A_5_94
Image de la page
Anonyme [1649], LE VRAY POLYTIQVE OV L’HOMME D’ESTAT DES-INTERESSÉ AV ROY LOVYS XIV. SVRNOMMÉ DE DIEV-DONNÉ. , françaisRéférence RIM : M0_4073. Cote locale : A_5_94.
Peut-on nommer vn bon & fidel Ministre d’Estat, le Cardinal
Mazarin, d’emplyer vos armes en la saison de l’Hyuer, pour affamer,
& faire perir les habitans de la premiere Ville du monde, & au
lieu de luy seruir à la Campagne prochaine contre vos ennemis,
les destiner tous à faire la guerre à vos naturels & fideles Suiets ?
Que cette experience nous fasse voir, SIRE, que tout ce que vos
peuples ont dit de cette Eminence, depuis que le fameux Arrest du
Parlement de Paris, l’a declaré perturbateur du repos public, est
veritable ; qu’il a l’ame trop Espagnole pour auoir esté, & estre iamais
bon François.
Eloignez, eloignez de vostre Maiesté, SIRE, cét artificieux
Estranger, qui ne s’est insolemment enrichy que des dépoüilles de
vos miserables subjets, qu’il a rendu tels par son insatiable auarice,
qui lia rendu plus rusé qu’vn Monarque. Il eust bien pû estendre
vos victoires plus auant s’il eut voulu : mais au lieu de les auancer
il les a retardées, & leur a donné des bornes, de peur de les faire
passer trop auant dans le païs de vostre ennemy.
Changez de Ministre d’Estat, SIRE, & nous chanerons de
misere : Elisez en vn autre, de qui la prudence fust comme vne
sorte de Prophetie dans son esprit, & qui perçant l’aduenir, preuienne
les effets dans leurs causes. Que la vigilance tienne iour &
nuict les yeux ouuerts sur ce qui concerne vostre seruice, Que son
actiuité lie si promptement l’execution de vos desseins auec leur resolution,
qu’on en voye quelquefois plustost l’vne, qu’on ne sçache
pas l’autre. Que sa fidelité soit si incorruptible, que toute la
terre soit vne tentation imparfaite, afin qu’ostant à vos ennemis
auec l’experience de le pouuoir iamais ny tromper, ny corrompre,
celle de vous pouuoir iamais ny surprendre, ny forcer, ils ayen :
quelque raison à croire la deffaite d’vn homme qui leur est si contraire,
aussi difficile qu’ils croyent qu’il soit impossible à la France
de surmonter iamais la superbe d’Espagne.
Que vostre Maiesté fasse d’vn bout du Royaume à l’autre vne
tres exacte recherche de tous les plus grands personnages qui s’y
trouuent auiourd’huy, elle en rencontrera possible bien quelqu’vn
qui ressemble en quelque chose au feu Cardinal de Richelieu : mais
qui l’égale en tout, elle me pardonnera, s’il luy plaist, si ie dis qu’il
n’est pas en son pouuoit. Ce n’est pas que vostre conseil mesme
sans courir plus loing, man que d’vn grand nombre d’habiles hommes
infiniment desir eux de vous seruit, tout le monde les connoist :
mais tous les astres d’vn mesme Ciel ne sont pas de pareille
grandeur, ny tous les esprits d’vn mesme climat de pareille trempe,
Image de la page