[retour à un affichage normal]

Mazarinade n° C_12_29

Image de la page

Anonyme [1652], LE VERITABLE MANIFESTE DE MONSEIGNEVR LE PRINCE Touchant les raisons de sa sortie, & les protestation qu’il fait aux Parisiens, qu’il n’abandonnera iamais leurs interests. , français, latinRéférence RIM : M0_3942. Cote locale : C_12_29.

reconciliation, lors qu’vne maladie [illisible.] alita, à
contre temps pour le repos public, fit voir que ces
belles aparences de la Cour pour la Paix n’estoit
que les phantosmes ordinaites de sa Politique iustifiant
par le refroidissemẽt qui s’ensuiuit, la creance
qu’on auoit conceu, que la Paix n’entroit iamais
dãs ses desseins à moins que la necessité l’y fit trouuer
vne place par la faueur de mes bons succez.
 
Les belles responses qui surent faites au Clergé,
aux Deputez de la Ville, & en suite à ceux des six
Corps : le beau iour que la Cour faisoit entreuoir
pour la Paix à S. A. R. pendant cette mauuaise conjoncture
du siege de l’armee ennemie dans Villeneufue
S. George, sembloiẽt pour le moins aparẽment
oster toute la desiãce qu’on auoit eu du procedé
de sa conduite passee ; lors que le decapement
de l’armée du Mareschal de Turenne ayant esté fauorisée
par ma maladie & par l’absence des autres
Generaux que la necessité d’estouffer vne sedition
naissãte, pratiquee par les artifices de la Cour, auoit
rappellé dans Paris, on vit disparoistre en vn moment
tous ces põpeux apareils qui se faisoient auparauant
pour vn traité de Paix ; & reprendre à la
Cour cette premiere fierté qui l’auoit auparauant
opiniastree à ne vouloir iamais entendre parler de
Paix qu’auec des conditions impossibles.
Cette Politique contraire à nos mœurs & à nos
loix, fit trop manifesteme[2 lettres ill.] cõnoistre à S. A. R. &