[retour à un affichage normal]

Mazarinade n° B_5_36

Image de la page

Anonyme [1652], LE VERITABLE MANIFESTE DE LA FRANCE, A SON ALTESSE ROYALE ET A MESSIEVRS DV PARLEMENT, SVR LES DESORDRES DES GENS DE GVERRES. , françaisRéférence RIM : M0_3941. Cote locale : B_5_36.

peine à supporter la domination des Allemans,
& à souffrir l’heumeur de Charles le Quint : Vne guerre
ciuille s’estoit cruellement allumée en Castille, & à dire
vray elle y eust causé vne espouuentable desolation, si
l’armée Françoise qui fut enuoyée par la conqueste de
Nauarre, se fust contentée d’auoir pris Pampelune, &
triomphé en quinze iours de tout ce Royaume, mais
l’imprudence & l’auarice de ceux qui commandoient les
porta à entrer hostilement en Espagne, où ils ne firent
autre progrez que de reünir les Espagnols diuisez, esteindre
des animositez domestiques & mettre fin à vne
guerre sanglante, qui sans doute eust ruïné les affaires de
l’Empereur & donné en proye toute l’Espagne, qui en
vn iour victorieux reconquit tout vn Royaume, & donna
vne chasse honteuse aux François.
 
Et apres que tous les esprits se seront reconciliez, &
que tous les François seront bien d’accord, vous acheuerez
grand Prince, l’accomplissement du bon heur de
toute la Chrestienté, par la conclusion de la paix general,
ce faisant V. A. R. aura le contentement d’auoir essuyé
mes larmes & mis fin à mes desplaisirs, & la satisfaction
d’auoir beaucoup contribué au repos public, &
rendu la seureté & l’abondance à tout l’vniuers, qui
aura tout le ressentiment qu’on peut auoir d’vne si parfaite
obligation.

FIN.