[retour à un affichage normal]

Mazarinade n° B_19_45

Image de la page

Anonyme [1652], LE TROISIESME COMBAT DONNÉ LE TRENTIEME May, jour de la feste Dieu, deuant la ville d’Estampes, entre les troupes de Son Altesse Royale, commandées par le Comte de Tauannes & le Baron de Clinchamp, & celles du Mareschal d’Hoquincourt, de Broglio, & de Chil. Auec les noms des morts & blessez & des prisonniers, entre lesquels sont les Generaux Broglio Italien & Chil Polonnois. , françaisRéférence RIM : M0_3892. Cote locale : B_19_45.

LE TROISIESME COMBAT
donné entre les Troupes du Mareschal
d’Hoquincourt, & celle de son Altesse
Royale, commandée par le Comte
de Tauanne, & le Baron de
Clinchamp.
Les membres qui composent vn corps, ont
tant de rapport & vne liaison si estroitte auec
leur chef, qu’ils ne peuuent faire aucune fonction
qui ne luy soit subordonnée & absolument dependante
du libre vsage des siennes ; de sorte que suiuant
la santé ou mauuaise disposition de celuy-cy,
les membres ont leurs actions vigoureuses ou languissantes :
C’est vne verité dont personne ne doute,
que le Cardinal Mazarin est le chef & le premier
moteur de tous les desordres dont à son malheur
la France fait depuis si long-temps l’espreuue,
& que ceux du ministere desquels il se sert, sont
comme les membres, dont les actions dependens
de la bonne ou mauuaise disposition de ce chef :
mais comme toutes ses entreprises, qui ont pour
principe l’injustice & l’imprudence, sont autant
de preuues de sa mauuaise temperie, il ne se peut
que ceux dont il se sert pour les executer ne soient
participans de ses deffauts en leur conduite.