Mazarinade n° C_7_60
Image de la page
Anonyme [1649], IVGEMENT ET CENSVRE DES TROIS LIBELLES INTITULEZ, la Replique, le Donjon, & le Retorquement du foudre de Iupinet, faits par l’Hypocrite à la fausse barbe. Iudas auoit obtenu portion à l’administration des Apostres. Act. Chap. 1. Vers. 18. , français, latinRéférence RIM : M0_1773. Cote locale : C_7_60.
Chose quelconque ne fut iamais si contraire à la
charité, & mesmes à la deuotion, qu’vne façon
de parler extremement medisante, comme celle
de nostre hypocrite, & voyez à sa confusion
comme il continuë encore dans la mesme page.
pleust-il à Dieu, dit-il, pouuoir renuoyer saint
Ambroise dans le monde, tout y estant remply
de Sacrileges & d’Athées, sans parler des blasphemes,
impietez, concussions, pilleries, iniustces
& lubricitez, dont les Euesques respondront
deuant Dieu, manque de seuere discipline ;
premierement sur ces fastueux Colosses, &
le reste, qui n’est pas de moindre abomination,
que ce que nous venons de dire, en ce, tout
estant remply, il ne s’en exempte pas luy mesme,
commẽt en exempteroit il les autres. Apres
voyez comme il fulmine dans la page 13. parlant
des Eglises, il dit qu’il y faudroit ioüer du canon,
establir des Suisses, pour en chasser à coups de
bastons & de foüets toute cette canaille. Notez
s’il vous plaist, que c’est en parlant des Roys, des
Princes, des Ministres d’Estat, & des Euesques.
Et puis il dit encore, affin de n’oublier personne.
Le tout sans exempter du foudre, ny Curé, ny
Prestre, ny Moyne, faute d’y faire leur deuoir.
Voyez si ce n’est pas tonner d’importance, pour
vn simple Prestre, aussi ou plus grand pécheur
que les autres, comme il fait assez voir par ses libelles ?
en la page 16. ligne 27. ne dit-il pas aussi
Image de la page