[retour à un affichage normal]

Mazarinade n° B_15_15

Image de la page

Anonyme [1652], EXAMEN DES DIVERS SENTIMENS SVR L’ARREST DV Parlement du 20. Iuillet. Et du Discours seditieux sur la Lieutenance. Ou responce à la piece de Pontoise. , françaisRéférence RIM : M0_1318. Cote locale : B_15_15.

ou la muette semonce à vn spectacle, ou la plaisante
decoration de quelque auanture comique, l’ornement
pauure qui deuoit seruir de preparatif à la deliurãce
d’vn grand Roy & à la distribution des premieres
charges de la Couronne si ce n’est que par stratageme
on voulut monstrer aux ennemis l’abondance du
Bled par la profusion de la Paille, ou par modestie
se parer ou jour du Triomphe de la liurée du combat.
Tout ce Discours est extrauagant, son Burlesque
fait rite, mais en ce moquant du Poëte, qui
dit que l’Arrest du Parlement est plustost vn jeu de
paix qu’vne occupation de guerre, vn complot de
Comediens qu’vn resultat de Senateurs. Toutes
ces antitheses sont ridicules & doiuent estre
prises pour des improprietez, apres la Decoration
du Theatre il croit nous exposer vne belle
piece disant que la Scene est à Paris, & le suject
& le tiltre est beau & de debit à sçauoir le libre
Esclaue, le principal personnage le Roy prisonnier
dans vn Palais enchanté auec la liberté de chasser
son Geollier.
 
Il est certain que la Lieutenance de l’Estat
ne peust compatir auec l’vsage de l’authorité
Royale dans la personne du Monarque, mais
aussi elle deuient necessaire aussi tost que cet
vsage vient à manquer par quelque defaut que
ce soit. Or soit que le Mazarin ayt par enchantement