[retour à un affichage normal]

Mazarinade n° A_2_3

Image de la page

Anonyme [1649], APOLOGIE POVR MONSEIGNEVR LE CARDINAL MAZARIN, TIREE D'VNE CONFERENCE ENTRE SON EMINENCE ET Monsieur ****** homme de probité & excellent Casuiste. , françaisRéférence RIM : M0_127. Cote locale : A_2_3.

humains estans fermez, on recourt aux vœux & aux prieres.
 
Le Card. Cette description là est bien poëtique.
Le Casuiste. Vous voulez dire pathetique Monseigneur. Elle ne la sçauroit
trop estre, pour vous representer la soudaine consternation des Parisiens ;
la poësie est vne peinture parlante. Mais pour appliquer ma comparaison
Monseigneur, chascun s’estoit resiouï la veille des Roys. Tellement que les
plus riches & les plus paresseux dormoient la grasse matinée : les autres qui
ont besoin de gagner le teston pour viure, estoient leuez pour aller prendre
au saut du lict, les personnes pour qui ils auoient trauaillé ; Vn Tailleur portoit
vn habit, vn Cordonier la paire de bottes & le soulier mignon de la Bourgeoise,
le Patissier nettoyoit son four & faisoit de nouueaux gasteaux, pour
tenter vne seconde fois la conqueste du Royaume de la febve, bref les vns
dormoient & les autres estoient debout, lors que la nouuelle de ce funeste
depart se respandit par toute la Ville. L’horreur de ce crime saisit tout le
monde, & le despit met des paroles de murmure dans toutes les bouches. Le
Bourgeois accuse le Parlement de ne s’estre pas asseuré de la personne du
Roy, & de n’auoir pas enfermé dans la Conciergerie Monsieur le Cardinal.
Le Parlement de l’autre costé accuse la negligence & l’assoupissement du
Bourgeois, chacun court aux armes, on se saisit des portes, & les Pilotes de
ce vaisseau agité courent au gouuernail, pour destourner le naufrage, les
bonnes ames embrassent le pied des Autels, & l’on vous accable Monseigneur,
d’imprecations & de menaces.
Le Card. Elles ne me faisoient gueres de mal, i’eusse voulu voir tout ce desordre
là pour dix pistoles.
Le Casuiste. Il eust donc fallu Monseigneur que ce fut esté auec des lunettes
de Galilée, car il n’y faisoit pas bon pour vous.
Le Card. Ce n’est pas la premiere fois que i’aurois esté à Paris incognito.
Le Casuiste. Mais Monseigneur nous nous sommes icy amusé à des circonstances
qui sont hors de propos : Messieurs du Parlement ne vont pas
foüiller dans les pensées des hommes, ils ne iugent que sur les actions & sur
les effects.
Le Card. Tout ce que ie vous ay là rapporté, n’a esté que pour vous faire
voir la sincerité de mon procedé par celle de mes sentiments.
Le Casuiste. Comment excuseray-je l’enleuement que vous auez fait de la
personne du Roy ?
Le Card. Eussiez vous voulu que ie fusse sorti sans le Roy ?
Le Casuiste. Non, mais quel besoin vostre Eminence auoit-elle de sortir ?
Le Card. Il falloit donc me laisser deschirer de la populace.
Le Casuiste. Ils vous diront qu’en bien faisant on ne doit rien craindre.
Le Card. Qu’appellez vous bien faire ?
Le Casuiste. Soulager le peuple, le gouuerner selon la Iustice & faire
la Paix.
Le Card. Vous feriez vn mauuais Politique.
Le Casuiste. Mais que leur diray-je enfin touchant l’enleuement du Roy ?