[retour à un affichage normal]

Mazarinade n° B_19_9

Image de la page

Anonyme [1652], ADVIS POVR LE TEMPS QVI COVRT. , françaisRéférence RIM : M0_549. Cote locale : B_19_9.

prie, qui a-t’il de plus redoutable à vn Roy que de condamner
à mort vn innocent, & que de porter des Arrests
de prison & de bannissement iniustes ; Puis que par les
exils de ses fidels seruiteurs il fait murmurer contre soy
le reste des bons ; par l’emprisonnement des innocens
ils attirent sur soy les imprecations & les haines de son
peuples, & que par des sentences iniustes de mort, souuent
il fait reuolter contre soy son peuple, qui ne peut
souffrir que les personnes d’integrité soient si iniquement
mises à mort dans la crainte qu’il ne luy en arriue
autant s’il donne cours à cette tyrannie. Non non, les
Roys ne doiuent pas apprehender que leur trop de douceur
& de clemence mesme enuers les coupables n’affoiblissent
leurs Trosne : mais plustost qu’ils redoutent tous,
que les cruautez & les violences qu’ils exercent indifferemment
sur le bon & le scelerat ne les brisent. Et pour
le second poinct, qu’est-ce que les Monarques doiuent
tant craindre que d’auoir des Fauoris traistres, puisque
nous ne lisons autre chose dans les sacrez Cayers & dans
les Histoires prophanes, que des Empires ruynez, que
des Couronnes enuahies, & que des Roys mal-heureux
par l’infidelité & l’ingratitude de ses enragez qu’ils
auoient faits tout ce qu’ils estoient ? Qu’est-ce qu’ils
doiuent plus apprehender que de donner l’accez de leur
personne libre à toute heure à ses barbares vsurpateurs
qui ne leur paroissent si zelez que pour n’estre point
soupçonnez du pernicieux dessein qu’ils ont de les perdre,
& pour l’executer auec moins de difficulté, qu’est-
ce qu’ils doiuent plus redouter que de remettre leur pouuoir
entre les mains de ses seruiteurs sans foy, qui s’en