Mazarinade n° A_5_87
Image de la page
Sipois, Cermier de (P. A. N.) [signé] [1649], LETTRE DV SIEVR CERMIER DE SIPOIS, A MONSEIGNEVR LE DVC D’ORLEANS. SVR LES DEFFIANCES DE de quelques particuliers touchant la Paix. , français, latinRéférence RIM : M0_2198. Cote locale : A_5_87.
Prince doit rechercher sur toutes choses.
Omne culmen attigit,
Virtutis altæ qui timeri se timet,
Amore fidens ; qui patrem se non herum
Studet vocari.
Cie. Offi. I.
Mais c’est trop abuser de vostre patience, Monseigneur, il est
temps de finir ce discours, qui pour estre rude & mal poly, comme
il est, ne vous peut estre que bien ennuyeux & desagreable. Ie
finis donc par cette tres-humble requeste, que vous fait toute la
France prosternée à vos pieds, que vous luy conseruiez, s’il vous
plaist, la paix qu’elle sçait fort bien ne tenir que de vous, & de
vostre Maison Royale, qui la acheptée mesme au prix de ses l’armes.
Considerez, Monseigneur, que la plus grande gloire qui peut rester
de vous au monde, c’est d’auoir autant affermy par vos sages conseils
ce grand Estat, que vous l’auez amplifié par la valeur de vos armes.
Pulcrum eminere est inter illustres viros,
Consulere patriæ, parcere afflictis, ferâ
Cæde abstinere, tempus atque iræ dare,
Orbi quientem, sæculo pacem suo,
Hæc summa virtus, petitur hac coelum via.
Senec. in
Octauia.
Toutes les grandeurs du monde passent comme la fumée : mais
la memoire des illustres actions demeure à iamais. Le grand Hercules
n’a esté mis parmy les Heros des anciens, que parce qu’il a
donné la paix à tout l’Vniuers. Donnez la à toute la France, Monseigneur,
C’est l’vnique & le veritable moyen d’attirer sur vous,
& sur la Maison Royale des Bourbons, toutes les benedictions du
Ciel, que tous les François vous souhaitent ardemment, & moy
particulierement qui suis,
MONSEIGNEVR,
De vostre Altesse Royale,
Le tres-humble & tres-obeïssant seruiteur,
CERMIER DE SIPOIS,
P. A. N.
Image de la page