Mazarinade n° A_5_87
Image de la page
Sipois, Cermier de (P. A. N.) [signé] [1649], LETTRE DV SIEVR CERMIER DE SIPOIS, A MONSEIGNEVR LE DVC D’ORLEANS. SVR LES DEFFIANCES DE de quelques particuliers touchant la Paix. , français, latinRéférence RIM : M0_2198. Cote locale : A_5_87.
c’estoit vne chose bien conuenable à vn Prince, de preferer
la clemence à la seuerité : que sçachant qu’ils
estoient nez de tres-bons sujets, dont la fidelité auoit
esté experimentée plusieurs fois par ses predecesseurs,
il aymoit bien mieux oublier cette faute nouuelle, que
non pas leurs merites passez, esperant qu’à l’aduenir ils
seroient d’autant plus enclins à luy obeïr, qu’ils l’auroient
trouué prompt à leur pardonner : Qu’il ne vouloit
pas faire en leur endroit, ce que l’Empereur auoit
fait à ceux de Gand, les ayant sousmis sous l’esclaue seruitude
d’vne Citadele, & s’estant ensanglanté les mains
de leur sang ; qu’il auoit les siennes nettes, grace à
Dieu, du sang de son peuple : aussi que l’Empereur
auoit perdu l’amitié de ses suiets en rependant leur sang,
& que luy il esperoit que sa clemence les rendroit encor
plus fidelles & plus attachez que iamais à son seruice.
Ie vous prie, adjousta-t’il, enfin, d’oublier cette offence
qui est aduenuë ; de ma part il ne m’en souuiendra iamais,
& ie prie Dieu qu’il vous veille pardonner, comme
ie vous pardonne de bon cœur tout ce que vous auez
fait, sans en rien excepter. A cette parole, procedant d’vn »
Roy tout magnifique, genereux & debonnaire, tout le
pauure peuple Rochelois pleurant de ioye, commença
à crier viue le Roy, & à prier Dieu qu’il luy pleust leur
conseruer long-temps, en toute prosperité vn si bon
Prince, si doux & si misericordieux ; en suite par le
commandement de sa Maiesté sonnorent toutes les cloches
de la ville, tirerent toute l’artillerie, & sirent par
tout feux de ioye, en signe de grande reiouïssance.
Ie pourrois icy rapporter vne infinité d’exemples semblables,
d’vn Saint Louys, d’vn Philippes le Hardy, d’vn
Charles le Sage, d’vn Louys XII. & d’vn Henry le
Grand, Prince de tres-heureuse memoire. (dont outre
le sang vous tenez, Monseigneur, les genereuses & veritablement
royales inclinations) Tous lesquels Princes
ont assez fait paroistre, tant enuers les estrangers,
Image de la page