[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

de l’authorité qu’il aura prise de se faire chef de
party dans son Estat, cõtre la Iustice & contre son
seruice, & qu’il ne trouuera pas vn seul amy pour
plaider sa cause deuant sa M. Ie ne sçay comme il
est possible qu’il n’y pense pas ? puisque Nerua
tout Empereus qu’il estoit, se ventoit principalemẽt
de n’auoir fait tort à personne, & de ne craindre
aucun particulier qui se pust resentir de luy
dans vne vie priuee s’il quittoit l’Empire Beatus
est nemo, qui ea lege viuit, vt non mode impune, sed
etiam cum summa interfectoris gloria interfici possit.
Quare flecte te quæso, & maiores tuos respice, atque
ita guberna Rempublicam, vt natum esse, te ciues tui
gaudeant ? sine quo nec Darus quisquam esse potest.
Cic. Philip. I. Celuy là ne peut estre que tres mal heureux,
dit Ciceron, qui vit de la sorte, que non seulement
on ne le puisse pas tuer impunement, mais dont la
mort doit couronner de gloire celuy qui aura triomphé
de sa vie. Nous n’auons rien de plus cher que le
Sang Royal, nous n’auons rien de plus cher que ce
Prince, & il nous met dans le terme mal heureux,
& dãs vne fatale necessité de ne pouuoir receuoir
de nouuelle plus heureuse, que celle de sa defaite,
que celle de sa mort, & de donner tous les Eloges
du plus vaillant homme du monde, & du meilleur
de tous les François, à celuy qui nous apportera
comme vn Dauid, non pas vn lambeau de les habits,
comme de Saül, mais sa teste comme d’vn