[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

deuore les brebis, & de cent qu’il égorge, il n’en
mange auec eux que la plus maigre.
 
Hé ! Monseigneur, demandez à M. le Prince
qu’elle rage le porte à détruire vne si inconceuable
reputation, gagnée en si peu de temps si iustemẽt
meritée, & qui met à ses pieds, tout ce que l’Vniuers
a eu de heros ? valoit il mieux qu’il ne fut inuincible
qu’à soy mesme, & que luy seul de ses
propres mains, comme Penelope, défit en vne
nuit l’ouurage de tant de iournées ? & qu’il retrogradât
de Flandre & d’Allemagne, dans le cœur
de sa patrie pour loger la terreur, l’effroy & la haïne
à la place de l’amour & de l’admiration. Donnez
luy le conseil de Darius & Alexandre, faites
luy voir qu’il doit d’autant plus craindre les disgraces
qu’il a esté heureux & victorieux deuant l’âge,
& qu’il est impossible qu’il puisse plus longs tẽps
posseder la fortune. Quã feliciter in acie occidissem
potius hostis præda, quam ciuis victima ? nũc seruatus
ex periculis, qua sola timui in hæc incidi, qua timere
non debui. Ibid lib. 6. I’apprehende qu’il ne dise vn
iour comme le mesme Alexandre le Grand. Qu’il
m’eust esté plus heureux de mourir au combat contre les
ennemis du Roy, que contre ses suiets, sous pretexte de
maintenir par mon credit vn homme de neant contre
tout vn Royaume. Il m’estoit plus glorieux de tomber
entre les mains des ennemis, & d’estre la proye des
estrangers, que la victime de mes Citoyens. N’ay ie eu