[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

La modestie religieuse m’empesche de vous donner
le destail de ses crimes ; mais quelques grands
& horribles qu’ils ayẽt esté, c’est assez de maux qu’il
a fais à la France, pour le rendre detestable à toute
la posterité : quand mesmes il seroit iniustement
poursuiuy, ce que l’on ne peut dire apres la ruine &
la subuersion de cét Estat, qu’il a épuisé de biens par
ses cõcussions publiques, qu’il a tary de sang par vne
guerre éstrangere qu’il entretient malicieusement
& cruellement pour le soustien & la duree de sa fortune,
& qu’il veut cõsommer entierement dans vne
discorde ciuile. L’histoire nous apprend bue l’auguste
Roy de France Philippe Dieu donné, autremẽt
surnommé le Conquerant, estant sur le point de dõner
vne bataille decisiue à Bouines cõtre l’Empereur
Othon IV. Iean Roy d’Angleterre, & Ferrand Cõte
de Flandre vnis & alliez contre luy. Il assembla ses
Barons, il leur fit veoir la Iustice de sa cause, & l’iniustice
de la haine que ces Princes auoient conceuë
contre luy : Il voulut distinguer & discerner son interest
d’auec celuy de son Estat, & pour leur faire cõnoistre
que c’estoit contre la Nation que toutes ces
puissances estrangeres avoient coniuré, il leur offrit
de quitter sa Courõne à celuy d’entr’eux qu’ils estimeroient
plus digne de la defendre & de combattre
sous ses ordres, comme vn Gentil-homme priué,
comme vn simple François, & non plus cõme Prince.
Codius Roy d’Athenes ayant eu reuelation que