[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

ses meubles, & tout cela luy est vn prognostic infaillible
de la mesme fortune du Marquis d’Ancre
son compatriote, & l’vn de ses predecesseurs, qui
gousta plusieurs mois vne mort qui oste la douleur
aux autres en vn moment : sa fille mourante peu auparauant,
lui emporta la moitié de sa vie : & de mesme,
partie l’ambition de Mazarin, & de ses esperances,
s’esteignit dans le couchant de ce bel astre le
Cardinal de saincte Cecile son frere ; auquel il meditoit
d’achepter la thyare Papale, & de rendre le mõde
spirituel soumis à vn insensé, comme la France
l’estoit à vn stupide furieux, & à vn fripon.
 
Il a remarié son pere auec vne Dame de la maison
des Vrsins, pour tascher à tirer de cette aliance des
heritiers qui fussent plus considerables par leurs
parens ; mais il en est arriué comme de l’accouple.
ment des animaux de diuerses especes, qui n’engendrent
point, ou qui n’enfantent que des monstres.
Toute cette ample succession & cette partie
de la Couronne du feu Roy, dont il s’est veu l’vn des
principaux heritiers : ces deniers transportez par diuerses
flottes en Italie, & mis aux banques & mõts
de Pieté, doiuent passer pour la plus grande partie
apres luy à Manzini, Voyer, & l’vn des moindres
Citadins de Rome, son beau frere ; duquel il esleuoit
le fils à Paris, dans vn éclat pareil à celuy des enfans
de France : il auoit la chambre de Monsieur le Prince
de Conty, au College de Clermont, sa chaire