[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

Ministre de son Estat, sans en oster l’administration
à la Reine, & aux Prince ; & cela encor par Arrest du
Parlemẽt de Paris, qui a dõné la Regence à la Reine
& non à ce gueux reuestu des despoüilles du Royaume,
duquel il a descouuert la honte, & à la hõte
duquel il veut commander én Roy malgré les Loix
saliques & fondamẽtales de la Courõne, qu’vn Roy
mesmes ne peut violer. Non, non, vn Roy ne les
peut ny violer ny enfraindre : elles sont plus anciennes
que la Monarchie, elles l’ont establie, & elles
l’ont entretenuë, & c’est par elles que ces Princes
mal conseillez, qui s’arment pour les destruire, sont
considerez comme Princes, qu’ils sont honorez, &
qu’il ne sont pas des petits Gentilshommes, aussi
naturellement sujets aux princes estrangers, & à ce
Roy mesme que les Anglois viennent d’immoler,
qui portoit le tiltre de Roy de France, qu’ils sont
seruilement soûmis aux fauoris.
 
Il m’est tantost échapé de dire que ce miserable
Cardinal, cet opprobre de l’Eglise, ce destructeur
d’Eglises, & cet ennemy de tous les Chrestiens, tiroit
sa naissance des ennemis & des bourreaux de
Iesus Christ. Il me sera bien aisé de le prouuer, quoy
que ie ne puisse pas donner tous les degrez de cette
sanguinaire extraction. Ie l’ay appris dans nos maisons
Religieuses d’Italie, où le bruit de sa fortune
prodigieuse rappella presque aussi soudainement la
memoire de ses ancestres, chez ceux qui estoiẽt de