[retour à un affichage normal]

Mazarinade n° B_4_2

Image de la page

P. M. D. C. [signé] / Camaldoli, Michel de (père) [1652], LE COMETE ROYAL PRONOSTIQVANT A LA Reine vn deluge des vengeances du Ciel, en punition, I. Des Incestes. II. Des Violements. III. Des Sacrileges. IV. Des Sodomies. V. Des Brutalités. Qui se cometent dans la guerre qu’elle fomente, pour soustenir l’Ennemy de la Chrestienté. , français, latinRéférence RIM : M1_66. Cote locale : B_4_2.

n’est pas moins le Ministre de Dieu, que celuy des
Rois, & que c’est vne grande honte d’employer
toutes les forces ; & la puissance de son fils pour
proteger vn criminel condamné ; mais non, il n’est
point condamné, ses Iuges sont trop doux, & trop
respectueux, puis qu’ils ne le punissoient que d’vn
exil. Dites lui, dis-ie, que c’estoit contre le Parlement
d’Angleterre qu’il falloit porter les armes du
Roy, pour arracher de la main du bourreau vn autre
Roy miserable, à qui elle a mis le cousteau dans la
gorge, & qu’elle a sacrifié à la fortune du Cardinal
Mazarin.
 
Il est vray, que ce Prince infortuné n’a pû attendre
vne mort indigne, que de la lacheté, pour ne
pas dite de l’opiniastreté & de l’impieté des Ministres
des deux Couronnes de France & d’Espagne.
Il estoit facile, il estoit honorable à tous les deux
Conseils de relascher quelque chose de l’interest
particulier pour l’interest general des Roys & des
Sceptres. Ils l’auroient fait, si l’honneur seulement
eut reglé leurs intentions, & si l’auarice seule, &
l’ambition du C. M. n’eut entretenu auec de l’huile
& auec des ossemens humains, ce feu qui embrase
l’Europe depuis tant d’annees. L’on a souffert que
des traistres Anglois se soient ioüez de leur Roy,
comme le chat de la souris : ils luy donnoient de la
griffe, & regardoient ce que l’on disoit de leur insolence
dans les autres Estats. Ils ont fait mesmes