[retour à un affichage normal]

Mazarinade n° A_2_45

Image de la page

Anonyme [1649], DISCOVRS SVR LE GOVVERNEMENT DE LA REYNE DEPVIS SA REGENCE. , françaisRéférence RIM : M0_1149. Cote locale : A_2_45.

de grandes sommes aux Princes estrangers, qui nous
ont secouru si puissamment ? Et n’estoit-ce pas pour les
exempter du naufrage qu’elle a distribué ses biensfaits
aux Grands, afin d’empescher vne guerre Ciuile, que
la feuë Reyne Mere n’a pû éuiter auec tous les aduantages
qu’elle auoit ? Ils disent que toutes les affaires ne
sont pas si bien gouuernées qu’elles le deuroient estre,
& que l’argent n’est pas si bien distribué qu’ils le desireroient ;
c’est ce qui passe ma connoissance ; mais quand
cela seroit, je leur auouërois que c’est en cét endroit où
les souuerains feroient de grandes fautes, au cas qu’ils
me pûssent prouuer que les particuliers missent vn si
bon ordre dans leurs maisons, qu’on leur rẽdist vn fidele
compte de tout ce qui s’y fait. S’il est vray qu’vn particulier
qui a quatorze ou quinze domestiques, ne sçait
pas tout ce qui se fait dans sa Maison ; commẽt veulent-ils
que la Reyne sçache tout ensemble les affaires d’Estat,
de la Iustice, de la Guerre, des Finances, & le particulier
de toutes ces choses ? Ceux mesmes qui possedent
quelqu’vne de ces charges ne sçauent pas comment toutes
les autres s’exercent ; & qu’elles adresses il y a pour y
profiter injustement s’ils en ont enuie. De sorte que puis
qu’il n’apartient qu’à Dieu de sçauoir tout ce qui se fait,
il est asseuré que ceux qui gouuernent les Estats sont déchargez
de leur administration, quand ils se seruent de
personnes qu’ils croyent estre gens de bien, & capables
des affaires où ils les employent. C’est pourquoy
la Reyne nôtre Regente ne pouuant pas tout sçauoir,
& ne se trouuant point d’exemple que depuis la creation