[retour à un affichage normal]

Mazarinade n° B_16_53

Image de la page

M. N. R. F. J. [1652], L’ESTAT EN TROVBLE Par le Gouuernement DES ESTRANGERS. Où l’on verra que c’est vne maladie ordinaire à tous les Estats de ne pouuoir souffrir vn Gouuernement Estranger, & que tant que nous serons gouuernez par eux; il est bien difficile que nous ayons vne bonne Paix. Par M. N. R. F. I. , françaisRéférence RIM : M0_1296. Cote locale : B_16_53.

eut de la peine, apres beaucoup de bien faits &
de seruices rendus à la Republique, d’y estre admis
au rang des Citoyens ; apres quoy il encherit
sur les autres, & fit vne Loy, par laquelle les Bastards
estoient priuez des droicts de la Bourgeoisie,
quoy que le premier il l’ait violée en faueur
d’vn Bastard qu’il laissa pour son successeur. Voyez
iusques où alloit la delicatesse des Anciens quand
il falloit estre estimé Citoyen de leur Republique.
 

V.
Les Lacedemoniens & les Thebains par l’ordre
de Licurque donnerent l’exclusion de leurs Republiques
aux Estrangers. Les Spartes obseruerent si
exactement cette Loy qu’ils furent appellez Dirixoxenes,
c’est à dire, comme vous sçauez inhospitaliers :
& si quelque Citoyen sortant de Sparte sejournant
chez les Estrangers, il estoit puny de mort parce
qu’il s’estoit exposé à emprunter leurs vices & à les
remporter parmy les Citoyens.

VI.
Les Egyptiens ne vouloient point auoir de commerce
auec eux, & les Romains enfin les considererent
tousiours comme indignes de porter marques
de leurs Citoyens. C’est pourquoy, c’est pour
cela, dis ie, qu’vne de leurs anciennes Loix leur
deffendoit de monter sur les murailles de la Ville,
c’est pour cela que Marcellus Consul ne Peut souffrir