[retour à un affichage normal]

Mazarinade n° B_16_64

Image de la page

Gondi, Jean-François Paul / cardinal de Retz [faux] [1652], HARANGVE FAITE AV ROY PAR MONSEIGNEVR LE CARDINAL DE RETZ, En presence de Monseigneur le Nonce du Pape, assisté de Messieurs du Clergé, pour la Paix generale. Faite à Compiegne le onziesme Septembre 1652. , françaisRéférence RIM : M0_1594. Cote locale : B_16_64.

affaires de vostre Conseile rester ses creatures
aupres de vostre Majesté, est ce esloigner Mazarin ?
donner la plus forte Clef de France à vn
homme qu’on veut bannir, est-ce vouloir esteindre
le feu allumé a cause de sa regence. Si vous
le iugez cause de la guerre intestine, pourquoy
le traiter auec tant d’auantage ? Ne pensez vous
point, SIRE, qu’on croit que ce procedé n’est
qu’vn desguisement pour mieux tromper ? faut-il
que par vne grossiere dissimulation de vostre
Conseil toute la France entre en la deffiance de
son Prince ?
 
Certainement, SIRE, la ruse par laquelle
on pretend vous voir vanger sur vos bons sujets
est fort indigne d’vn Roy de France. Tout le Procedé
de vostre Conseil se trouue tellement ridicule,
que vous tomberiez pareillement en la
risée de tout le monde, s’il procedoit de vous,
& si on n’attendoit de vostre bon Genie, vn plus
parfait esclaircissement de ce que vous auez a faire
plus vtile à vostre Estat, que ce que vous auez
fait iusque à present par vostre pernicieux Conseil.
Quoy pourra on croire à l’aduenir qu’vn
Bourg plustost que Ville d’Estampes aura fait
perir vne Armée Royalle, & soit demeurée libre ?
Mais bien plus que vostre Royalle personne,
y ait esté exposée, & y ait receu la honte, &
encouru le peril de mort ? Quoy vne poignée
de gens abandonnés aura resisté à vne puissante