[retour à un affichage normal]

Mazarinade n° B_16_64

Image de la page

Gondi, Jean-François Paul / cardinal de Retz [faux] [1652], HARANGVE FAITE AV ROY PAR MONSEIGNEVR LE CARDINAL DE RETZ, En presence de Monseigneur le Nonce du Pape, assisté de Messieurs du Clergé, pour la Paix generale. Faite à Compiegne le onziesme Septembre 1652. , françaisRéférence RIM : M0_1594. Cote locale : B_16_64.

Parlements, le iustement rappeller, au detriment
de tout vostre Royaume, comme vous
sçauez trop bien, puisque vous auez iugé recemment
que pour la necessité des affaires, il le
falloit de nouueau exiler.
 
Or en ce faisant vous iustifiés les Armes de
vos Princes, & les villes lesquelles les ont estimé
iustes. Que restoit-il donc à faire, si vostre Conseil
n’estoit pernicieux iusque à l’extremité y
auoit-il lieu de se restreindre pour vne Amnistie ?
Falloit-il deliberer pour receuoir les Princes,
les Parlements & les Villes, puis que vous auiez
creu leur cause bonne par l’esloignement du
Cardinal Mazarin ?
On ne peut conclure autrement, que leurs
demandes n’ayent esté iustes, si vous auez iustement
banni Mazarin de vostre Cour.
Si vous y auez esté contraint, vous aurez tant
plus de raison de croire que vos Princes & vos
Parlements n’auront rien voulu entreprendre
contre vostre authorité, puis qu’ils en auoient le
pouuoir, comme de vous obliger à chasser le
Perturbateur de leur repos.
Mais le meschant ne peut estre en repos, &
craint tousiours le chastiment de ses crimes.
Vostre Conseil vous a pensé mettre à couuert
par cét esloignement. Mais quel esloignement ?
Estre aux portes de Paris, est-ce estre hors du
pouuoir d’auoir communication de toutes les