[retour à un affichage normal]

Mazarinade n° B_9_4

Image de la page

Gondi, Jean-François Paul / cardinal de Retz [?] [1652], LE MANIFESTE DE MONSEIGNEVR LE DVC DE BEAVFORT, PAR LEQVEL IL DECLARE SE Ioindre à son Altesse Royale au Parlement & à la Ville de Paris. , françaisRéférence RIM : M0_2368. Cote locale : B_9_4.

accourir de toutes parts les plus belliqueux pour se
signaler en le combattant & il n’estoit point de
moyen plus certain pour meriter des autels que de
exterminer où auoir part à leur deffaite.
 
Son Altesse Royale à le premier attaqué le Cardinal
Mazarin, dans ses plus grandes forces, sa ferme
& inesbranslable resolution de ne plus entrer
dans le Conseil, tandis que ce Ministre seroit en
France l’en à chassé, & maintenant que sa furie la
repoussé dans le lieu, où il à fait plus de rauages
on doibt attendre sa deffaite d’vn des trauaux de
cét Hercule.
Mais pour donner plus d’esclaircissement aux
raisons, que ie doibs apporter pour establir l’Equité
de ce Manifeste. Ie veux icy separer celles qui peuuent
estre communes à plusieurs, d’auec celles qui
me touchent en particulier. Encor que certainement
par ie ne sçay quel mien destin celles qui regardent
plus le commun me semblent estre propres & me
regarder tout entierement comme si elles ne pouuoient
conuenir à vns autre. Ie dis donc que ce qui
m’a obligé à prendre les Armes contre le Cardinal
Mazarin, est que ie suis entierement persuadé que
personne ne peut viure en seureté dans le Royaume,
s’il n’est ou complice de ses meffaits où la victime de
ses vengeance ? Ie vous demande si Dieu nous affligoit
tant, que cét homme fut restabli comme il
estoit, qu’elle Innocence seroit à couuert de ses calomnies,