[retour à un affichage normal]

Mazarinade n° B_9_4

Image de la page

Gondi, Jean-François Paul / cardinal de Retz [?] [1652], LE MANIFESTE DE MONSEIGNEVR LE DVC DE BEAVFORT, PAR LEQVEL IL DECLARE SE Ioindre à son Altesse Royale au Parlement & à la Ville de Paris. , françaisRéférence RIM : M0_2368. Cote locale : B_9_4.

pour la patrie, comme Mandius Torquatus, & la
Grece fait sonner si haut la generosité de Codrus
Roy des Atheniens, le quel voulut mourir pour Couronner
le Peuple par sa Victoire, ayant quitté ses habits
Royaux dans le Combat, & prins ceux de simple
Soldat. Et de-sarmens en main pour brusler le
Camp des ennemis, afin de les obliger a le combattre
& à le destruire pour accomplir l’Oracle, lequel
auoit respondu que si le Roy estoit tué par les ennemis,
Athenes auroit l’Empire, sur Sparte, ie proteste
icy que le zele dont ie brusle pour Paris n’est pas
moins puissant, & que s’il ne tenoit qu’à me sacrifier
pour remettre le Roy à son Peuple dans vn parfaict
accord, & bonne intelligence, ie me glorifierois d’estre
cette heureuse Victime. Certes comme ie ne me
suis iamais proposé d’autre but en toutes mes actions
que la gloire & que maintenant mon hõneur dépend
tout entierement de faire mes interests de ceux de
Paris, qui reciproquement à embrassé les miens plus
que les siens propres ; ie suis tellement engagé à
prendre le party de cette Reyne, de toutes les Citez
que ie dois où perir ou triompher auec elle.
 
Or puis qu’il s’agit icy du restablissement de son
mortel ennemy qui ne void qu’il ne peust estre procuré
que sur ces ruines & sur la mienne. Si ce fourbe
pensoit nous persuader auec de paroles artificieuses
qui ne signifient que le contraire de ses desseins il se
trompe. Il se iouë luy mesme, pensant de nous ioüer