[retour à un affichage normal]

Mazarinade n° B_4_8

Image de la page

Dubosc-Montandré, Claude [?] [1652], LE SCEPTRE DE FRANCE EN QVENOVILLE Par les Regences des Reynes, faisant voir par de naifues representations d’Histoires. I. Les desordres du pouuoir absolu des femmes en France, par. II. La mauuaise Education des Roys. III. La pernicieuse conduitte de l’Estat. IV. Les horribles factions qui s’y sont esleuées, & qui ont souuent mis cette Monarchie à deux doigts de sa ruine. V. Et le moyen infaillible de remedier à tous ces desordres, si l’on veut s’en seruir efficacement & dans l’vsage des Loix Fondamentales. , français, latin, italienRéférence RIM : M0_3598. Cote locale : B_4_8.

par Gazõ Maire de son Palais, peu apres leur mariage
cõsommé, elle procura sa mort, aupres du Roy son
mari. II. Qu’elle espousa son Nepueu par vn mariage
incestueux, & fut cause de sa mort. En III. lieu,
Qu’elle fit mourir Guentrion l’vn des principaux
Seigneurs d’Austrasie, sans autre suiet que de ce
qu’il estoit trop agreable à son fils Theodebert, de la
cour duquel elle fut chassée pour cette raison. En
IV. lieu, Qu’elle fit Euesque d’Auxerre vn simple
païsan, pour ce qu’il l’auoit conduite lors qu’elle
estoit seule errante par les champs, à la cour de son
fils Thierri Roy de Bourgogne. V. Qu’estant
deuenue amoureuse de Protade, elle le fit Maire
du Palais de Bourgogne, au preiudice de Bertrand
Seigneur de grande qualité & d’vn merite extraordinaire,
lequel pour s’en deffaire, elle engagea
en toutes les entreprises perilleuses qui se peurent
presenter, & luy resolu de mourir en la bataille d’Estampes
contre Landry, où Merouée fils aisné de Clotaire
fut tué, il se mesla si auant au combat parmi les
ennemis qu’il acheta la victoire par sa propre deffaite,
ne voulant point suruiure à la disgrace de Brunehaut.
En sixiesme lieu, on l’accuse d’auoir fait tuer
Aigila Patrice Romain, sans autre suiet que pour auoir
son bien, se soüillãt ainsi d’vn double crime d’auarice
& de cruauté. Septiesmemẽt d’auoir enuoyé en
exil S. Didier Euesque de Vienne, & depuis de l’auoit
fait tuer à coups de pierre. Huictiesmement apres auoir
diuisé les Cousins entre eux, d’auoir encore diuisé