[retour à un affichage normal]

Mazarinade n° B_16_19

Image de la page

Du Crest,? [1652], LE SENEQVE MOVRANT, DECLARANT A SA MORT le seul moyen d’auoir la Paix, pourueu qu’on le veuille croire. EN SVITE DE LA DEPVTATION de Messieurs du Parlement. Par le sieur DV CREST. , françaisRéférence RIM : M0_3640. Cote locale : B_16_19.

appartenoit en effet. Rendez, disoit-il, à Cesar ce qui appartient
à Cesar, & à Dieu ce qui appartient à Dieu. * Et
quand ce grand Sauueur a voulu agir en Roy, il a
bien témoigné par la Majesté de ses commandemens,
qu’il demandoit vne obeïssance toute entiere. Allez,
dit-il à ses Disciples, En la Bourgarde qui est vis à vis de
vous, & incontinant vous trouuerez vne Asnesse attachée, &
son Poulain auec elle ; détachés-les, & me les amenés : Que si
quelqu’vn vous dit quelque chose, vous dirés que le Seigneur en
a à faire. Il en vse de la sorte en qualité de souuerain,
& de Roy des Iuifs. Or quel Empire y a-t’il plus absolu
que celuy ou l’on peut oster à vn sujet son bien
propre sans alleguer d’autre pretexte que cette raison,
Le Seigneur en a à faire ? Les passages du Vieil Testament
ne sont pas moins éuidents sur cette question.
Approche toy, & écoute tout * ce que l’Eternel nostre Dieu u
dira, puis tu nous rediras tout ce que l’Eternel nostre Dieu t’aura
dit, & nous l’orrons, & le ferons. Derechef le Peuple parlant
à Iosué, dit, Tout ce que tu nous as commandé nous le
ferons, & par tout ou tu nous enuoyeras nous irons. Tout ainsi
que nous auons obey à Moïse, ainsi t’obeirons nous : Seulement
que l’Eternel ton Dieu soit auec toy, comme il a esté auec
Moyse : Tout homme qui rebellera à ton commandement, &
n’obeïra point à tes paroles en tout ce que tu commanderas sera
mis à mort. Ios. 1. 16. La Parabole de l’Espine contenuë
au 9. des Iuges ne doit pas estre oubliée : En apres
tous les arbres dirent à l’Espine, viens ça toy, & regne sur
nous, Et l’Espine respondit aux arbres : Si c’est en sincerité