[retour à un affichage normal]

Mazarinade n° A_3_68

Image de la page

D. VV. [1649], LE HERAVLT FRANCOIS, OV LE PARANYMPHE DE MONSIEVR LE MARESCHAL DE LA MOTHE-HOVDANCOVR, Duc de Cardone, &c. Publiant les Batailles qu’il a données en Italie & Catalogne, auec les memorables actions de sa vie. , françaisRéférence RIM : M0_1624. Cote locale : A_3_68.

la commodité qu’il auoit, afin de profiter des auantages du terrain :
Les sieurs de Florinville & de Porcheux furent commandez
pour soustenir les coureurs, le premier auec trois cens mousquetaires,
l’autre auec cent cinquante du Regiment des Gardes, & de la
Compagnie du Prince de Condé ; Ce qu’ils firent auec tant de cœur,
que ces trois Escadrons furent renuersez & battus apres vn combat
merueilleux : sur quoy le Marquis de Leganez arriuant auec toute son
Armée, il fit placer deux batteries & fit donner en mesme temps aux
flancs de cette Arriere-garde.
 
Pour resister à cette furieuse attaque qui dura deux heures, ce Capitaine
visita tous ses Escadrons & ses Bataillons, encouragea les soldats
par son exemple & par sa resolution, fut genereusement secondé
par tous les Chefs & les Capitaines, & fit combatre auec vne telle
conduite, que les Ennemis ne l’ayans pû trouuer ouuert pour l’enfoncer,
furent contrains de se retirer auec grande perte. Mais le
Marquis ayant appris sur les cinq heures, que le Prince Thomas
estoit aux prises auec l’Auant garde, il retourna furieusement au
combat, attaqua de quatre costez & continua la meslée iusques bien
auant dans la nuit, sans gagner vn poulce de terre : de sorte que nos
mousquetaires n’ayans plus rien dans leurs bandollieres, ils eurent
recours aux espées, auec lesquelles ils soustindrent si bien le combat,
que le General Espagnol voyant ses troupes harassées sans auoir
acquis aucun auantage, se retira sur les trois heures apres minuit
pour leur dõner vn peu de relasche. C’estoit pourtant auec dessein de
retourner à la charge, aussi tost que le retour du Soleil luy en donneroit
la commodité, mais ce Capitaine ayant apris que le Prince Thomas
auoit esté defait par le Comte d’Harcour, il se preualut si bien de
la retraite des Ennemis, que ses troupes furent toutes passées auant
jour : De sorte que les Espagnols n’eurent que le regret de trouuer
trois mille morts, dessus la poussiere, tant de leur costé que de celuy
du Prince Thomas pour quatre cens soixante François qui demeurerent
sur la place.
Ce combat qui dura six heures auec des forces tant inegales, acquit
vne gloire immortelle aux armes de sa Majesté : ce Capitaine
qui les auoit commandées en partie, receut aussi la satisfaction d’estre
loüé par la plus auantageuse bouche de France, ie veux dire
par le Cardinal Duc de Richelieu, qui luy promit sa bien-veillance
auec l’estime de sa Majesté.
Le commencement de la campagne de 1640. fut le secours de