[retour à un affichage normal]

Mazarinade n° B_2_28

Image de la page

Boyer, Paul / sieur du Petit Puy (P. B. S. D. P. P. [signé]) [1652], L’HOROSCOPE DV ROY. DONNANT A CONNOISTRE le Gouuernement de l’Estat, sur les affaires presentes, & pour l’auenir. , français, latinRéférence RIM : M0_1666. Cote locale : B_2_28.

n’aura iamais de grandes prises sur son esprit, & moins encore
sur son ame.
 
Sa Majeste sçait bien, quoy qu’elle soit fort peu auancée
dans l’âge, que ceux qui transgressent les Commandemens
que le Createur de l’Vniuers fait à ses creatures, sont
eternellement maudits de cét adorable Sauueur de nos
ames, & qu’il est impossible apres cela d’arriuer iamais à la
Beatitude qu’il nous a promise, si nous ny sommes conduits
par l’entremise de sa saincte & sacrée Misericorde.
Malediction soit donnée à ceux qui ne gardent pas mes Commandemens,
dit la Sapience infinie au Chapitre vnziesme du
Deuteronome.
La Grace que Dieu luy fait, & qu’il luy fera, si ma Prophetie
n’est extraordinairement trompeuse, sera si grande
& si vniuerselle, qu’elle comprendra toutes les autres ensemble.
Par la Grace gratuite, il trauaillera continuellement
au bien de ses sujets ; par la Grace operante, il se portera
sans marchander a faire son Salut ; par la Grace cooperante,
il se gardera d’offenser Dieu en aucune façon ; par
la Grace suffisante, il aura vne continuelle volonté de bien
faire ; par la Grace efficace, il taschera de s’acquiter dignement
de ce qu’il doit à son Sauueur ; & par la Grace habituelle,
il se rendra si agreable à sa diuine Majesté, qu’elle
s’en seruira pour faire adorer son sainct Nom par toute la terre
habitable.
Par la Patience, il supportera genereusement toute sorte
de tribulations ; par l’humilité, il s’eleuera au plus haut
degré de la grace, & puis apres de la gloire. Par la douceur,
il se fera amoureusement cherir de tous ses sujet
par l’obeissance, il consacrera son cœur à Dieu ; par la chasteté,
il ne receura aucune passion qui ne vienne du Ciel ;
par la conuersation, il gaignera le cœur de tous ceux qui
auront affaire à luy. Ses recreations seront honnestes, son
merite vniuersel, sa foy inuulnerable, son esperance ferme
& constante, & sa charité, comme estant la Reyne de toutes