[retour à un affichage normal]

Mazarinade n° B_2_28

Image de la page

Boyer, Paul / sieur du Petit Puy (P. B. S. D. P. P. [signé]) [1652], L’HOROSCOPE DV ROY. DONNANT A CONNOISTRE le Gouuernement de l’Estat, sur les affaires presentes, & pour l’auenir. , français, latinRéférence RIM : M0_1666. Cote locale : B_2_28.

sera pas seulement du corps, mais aussi de cœur, de la langue,
des yeux, & des oreilles. Enfin il le sera en vn poinct
que pas vne de toutes ses facultez n’en sera aucunement alterée,
veu qu’il reprimera toutes ses conuoitises par vne merueilleuse
continence.
 
La Clemence, par laquelle les Souuerains remettent facilement
le tort qui leur est fait, sera la vertu qu’il mettra le
plus en vsage, comme estant toute Royale. Ses Loix ne seront
iamais escrites d’vn deluge de sang, comme celles de
Dracon Legislateur d’Athenes, ville de Grece. Il donnera
souuent la vie aux criminels, qui ne la voudront pas, pour
les mieux punir de leur offense, n’ayant point de foudre digne
de leur bassesse. Par cette vertu il asseurera les innocens,
& il metamorphosera les coupables. Ce genereux Alcide se
trouuera assez vengé, en faisant connoistre qu’il se peut
venger quand bon luy semble ; Alexandre se moquoit de
ceux qui l’auoient offensé, Auguste les recompensoit, Tybere
dissimuloit leur action, & Tite les mesprisoit, comme
indignes de sa colere. Il n’appartient qu’aux grands Roys
d’estre clemens, & de remettre toute sorte de crimes.
Theodose, Arcadius & Honorius firent publier par toute
l’estenduë de leur Empire, que si quelqu’vn par deffaut
de modestie, ou par quelque exceds d’impudence croyoit
qu’il luy fut permis d’attaquer leur reputation par des traits
de médisance, & qu’enyuré de sa passion il se rendit detracteur
de leur gouuernement ou de leur conduite, ils vouloient
pour cela qu’il ne fut point su jet à pas vne punition,
ny qu’il souffrit chose quelconque : car s’il l’auoit fait par
legereté d’esprit, il le falloit pardonner ; s’il l’auoit fait par
quelque espece de fureur, il y auoit de la pitié ; & s’il l’auoit
fait pour faire injure, on la deuoit remettre : & par ainsi ils
s’en vouloient reseruer l’entiere connoissance, afin qu’en
considerant la qualité des paroles, & la qualité des personnes,
ils fussent en estat de iuger s’ils deuoient plustost faire
des actions de Souuerain, que des actions d’esclaue.
Sa magnificence n’esclatera iamais icy bas parmy nous,