[retour à un affichage normal]

Mazarinade n° B_2_28

Image de la page

Boyer, Paul / sieur du Petit Puy (P. B. S. D. P. P. [signé]) [1652], L’HOROSCOPE DV ROY. DONNANT A CONNOISTRE le Gouuernement de l’Estat, sur les affaires presentes, & pour l’auenir. , français, latinRéférence RIM : M0_1666. Cote locale : B_2_28.

obtenir de sa diuine Bonté, les biens, la santé, la gloire, la
beatitude, & toutes les autres benedictions que ie luy presage,
& que ie prie Iesus-Christ de luy donner liberalement
auec vn zelle incroyable. Le desir qui nous pousse auec tant
de violence à la recherche de ce que nous souhaitons quelque
fois auec plus de passion que de conduite, portera son
esprit bien auant dans l’aduenir pour y trouuer nostre repos,
& la gloire qu’il s’en sera promise.
 
Mais pour ne pas esperer inutilement, il ne desirera iamais
rien qui ne soit aussi possible que raisonnable, afin d’obliger
la fortune par vne humilité si Chrestienne à suiure
toutes ses volontez, & mesme à se consacrer à toutes ses
esperances : Quoy que ce soient des passions qui logent en
l’appetit irascible, par le moyen desquelles l’ame se porte
sous l’apparence du bien à l’entreprise des choses les plus
hautes & les plus difficiles. Il est vray qu’il y aura souuent
des choses qui seront possibles à ce genereux Prince, qui seront
neantmoins tout à fait impossibles au reste des hommes.
Ce sera par l’entremise de cette Déesse, iadis si honorée
des Romains, qu’il moissonnera comme par auance dans
l’aduenir, & qu’il y pourra compter vne partie de l’Vniuers
pour vne partie de ses conquestes, ne se pouuant iamais abuser
sur la conduite d’vne nature si clair-voyante que la sienne.
La Hardiesse, qui est vne passion par laquelle le Prince se
resout d’essayer tous les dangers, & de surmonter tous les
hazards qui se rencontrent aux entreprises les plus difficiles
& les plus épineuses, luy fera tenter des actions qu’on pourra
mettre iustement au rang des miracles. Cette grandeur de
courage se seruant des organes de l’esperance, ne l’entretiendra
iamais que d’honneur, de lauriers, de victoires, &
de trophées : Bref cette entreprenente mettra continuellement
le feu aux poudres, & le fera pareillement agir, comme
vn foudre de guerre. Et quoy qu’elle ne soit bien souuent
qu’vne malheureuse temerité dans l’esprit de la plus
part des hommes, elle ne laissera pourtant pas d’estre en ce