Mazarinade n° D_1_6
Image de la page
Baltasard, Christophle [1645], TRAITTÉ DES VSVRPATIONS DES ROYS D’ESPAGNE, SVR LA COVRONNE DE FRANCE, Depuis le Regne de Charles huictiesme. ENSEMBLE VN DISCOVRS SVR LE COMMENCEMENT, progrez, declin, & démembrement de la Monarchie Françoise, droicts, & pretentions des Roys Tres-Chrestiens sur l’Empire. AVGMENTÉ D’VN SOMMAIRE DES DROICTS de ceste Couronne, sur les Comtez de Bourgongne, Cambray, Haynault, de Genes & Luxembourg. ET LES VICTOIRES ET CONQVESTES DES ROYS LOVIS XIII. dit le IVSTE, & de LOVIS XIV. dit DIEV-DONNÉ, sur les Espagnols, & les Austrichiens, en Italie, Alsace, Flandres, Luxembourg, & Comté de Bourgongne, Catalogne & Roussillon. Par C. BALTASARD. , françaisRéférence RIM : Mx. Cote locale : D_1_6.
de Camp, le Baron de Baumes, le sieur de Souuigny, Mareschal
de bataille, le Comte de Vertus, les sieurs du Saulsy, Chastellier Barlot,
Mestre de Camp, le sieur de Sainct Paul, Mareschal de bataille, auec treize
Regimens, & sept cens cheuaux.
Ledit Comte du Plessis Praslin commença le siege de Roses dés le
mois d’Auril, serra la place par terre, & du costé de la mer nostre armee nauale
s’y rendit, pour empescher les secours que les ennemis y pourroient
amener. Ce siege est d’autant plus considerable qu’il fut sort opiniastré :
Ceux de dedans commandez par Don Diego Caualléro de Illecas, Gouuerneur
General de la place pour sa Majesté Catholique, firent en ceste
occasion tout ce qui se pouuoit attendre de soldats courageux & vaillans,
tant aux sorties, qu’à souffrir les assauts des nostres, qui firent des merueilles,
& se signalerent en repoussans les ennemis, & soustenans nos trauaillans,
entr’autres les sieurs de Choupes, Lieutenant de l’artillerie, de
Sainct Hilaire, Villy, Saincte Claire, de Marsilly, Ayde de Camp, & Cornette
de la Compagnie de Cheuaux Legers du Mareschal de Schomberg,
& de Montagne. En fin la place puissamment attaquee, les dehors gagnez,
& les bastions sappez, les assiegez desesperez de tout secours, demanderent
à capituler : ce qui leur fut accordé Ils furent fort honnestement
traittez ; Et la Ville & Chasteau rendus audit sieur Comte du Plessis-Praslin,
le vingt-neufiesme May, apres cinquante neuf iours de siege :
par la prise de laquelle le Comté de Roussillon est asseuré au Roy.
FIN.
TABLE DES SOMMAIRES CONTENVS
en ce present Liure.
Traitté des Vsurpations des Roys d’Espagne sur là Couronne de
France, depuis Charles Huictiesme. folio 3.
Des Royaumes de Sicile, & de Naples. fol. 4.
Du Duché de Milan. fol. 10.
De la Flandre. fol. 13.
Image de la page