[retour à un affichage normal]

Mazarinade n° B_17_31

Image de la page

Anonyme [1652 [?]], SECONDE PARTIE DV POLITIQVE VNIVERSEL, OV BRIEVE ET ABSOLVE DECISION de toutes les questions d’Estat les plus importantes. SCAVOIR EST, VIII. S’il y doit auoir vn premier Ministre d’Estat. IX. Si tous les Ministres d’Estat ne doiuent pas auoir vne égale puissance. X. Si les Princes, l’Estat, & les peuples peuuent estre pis ou mieux, dans cette egalité de Mnistres (sic). XI. Si l’on doit receuoir vn estranger dans le Ministere. XII. Si l’on doit souffrir qu’vn seul Ministre gouuerne tous les affaires de France. , françaisRéférence RIM : M0_2818. Cote locale : B_17_31.

elle seulle, de gouuerner tous les affaires
d’vne Monarchie, principallement dans le
temps où nous sommes où les ambitieux de la
fortune d’autruy, ne sont pas moins entendus
aux misteres des Estats, que ceux qui en ont la
conduitte. Cette qualité de Sur-intendant de
tout ce qui se passe dans vn Empire plein de diuisions
comme le nostre, rencontre peu de sujets
qui en soient dignes : & la vie de l’homme,
quelque consommée qu’elle puisse estre au
maniment des affaires publiques, semble estre
trop courte pour en apprendre seulement la
dixiesme partie. La France qui est le pays du
monde le plus fertille en la production des
hommes de cette science, n’en a pas encore
sceu voir vn qui n’ait eu besoin de secours quãd
il s’est voulu glorieusement acquiter de son ministere.
C’est pourquoy l’on ne deuroit pas
souffrir qu’vne seule personne s’ingerast de
gouuerner tous les affaires de France, & que
toutes choses fussent faites selon sa volonté, au
preiudice de cette pauure Monarchie.
 
C’est vn axiome indubitable, en quel sens
qu’on le puisse prendre, que Dieu & la nature,
designent premierement & immediatement
les graces qu’ils veulent faire aux creatures, à
toutes en general, plustost qu’à quelqu’vne en
particulier, ou pour mieux dire à tout vn corps
plustost qu’à quelque partie de ce corps là,