Mazarinade n° B_18_2
Image de la page
Anonyme [1652], SECONDE PARTIE DV MERCVRE DE LA COVR, CONTENANT LE TESTAMENT du Cardinal Mazarin. A l’arriuée du Duc de Loraine & la leuée du siege d’Estampes. Circumdederunt me dolores mortis, & periculæ inferm inuenerunt me. , français, latinRéférence RIM : M0_2452. Cote locale : B_18_2.
Vne paire de Seaux auec la sangle, qui ne sont pas
de bois ny de cuir boüilly, mais d’argent, propre à
puiser à la fontaine des Finances.
Item, au sieur de la Vieuuille, vne pierre brillante,
appellée hapelourde, & vne maison scise à la Vallée
de misere, où pend pour enseigne le Mal-assis.
Item, au Mareschal de Turenne, le Marquisat
de la Sablonnerie, scis à quatorze lieuës de Paris,
terre d’vne grande despense, & qui ne rapporte rien
que des fruits qu’on appelle prunes de Brignoles,
attendu que le sablon en est fort chaud, l’air y est
mal sain, & fort sujet a des morts subites, tout ce
qu’on y seme autant de perdu.
Item, au Mareschal d’Hoquincourt, pour le recompenser
de la perte de son fils, vne terre appellée
l’Hospital de la Pitié, scis au terroir de l’amertume,
où il y a vn grand iardin remply de pauots, d’yssope,
de soucis, d’eliotropes, & de cypres.
Item, au sieur Faber, la Comte de la Ruse, scise
au territoire de l’interest.
Item, à Madame de B. vne maison dans la ruë des
muets, où pend pour enseigne le silence, auec vne
petite boëtte à mouche d’or émaillée & enuironnée
de diamans, auec le portrait de Mazarin dessus, &
celuy de la M. D. R. dessous.
Item, donne & legue au sieur B. pour auoir le
soin de le mettre dans les Annales des Hommes Illustres
de France, vne pension de dix mille liures, sa
vie durant, qui sera payée par le sieur de Guenegaud,
par ordre du Roy, auec l’Abbaye de...
Image de la page