[retour à un affichage normal]

Mazarinade n° C_7_43

Image de la page

Anonyme [1649], DISCOVRS IMPORTANT SVR LE GOVVERNEMENT DE CE ROYAVME. Dedié à la Reyne Regente , françaisRéférence RIM : M0_1126. Cote locale : C_7_43.

plus importante consideration que le Roy doit auoir en
donnant les charges & offices, & principalement en la
guerre, car de donner les charges tres importantes à l’Estat
à des enfans incapables pour le seruice de leur pere,
ou mesme à des hommes mal sains, incommodez, ou
pour quelque autre raison, quoy que leurs seruices soient
recommandables, c’est vne folie qui couste bien cher à
la fin.
 
Les suruiuances & venalité desdites charges & offices
sont encores plus mal-heureuses, car elles introduisent
dans le seruice du Roy ce deplorable desordre, que les
pires gouuernent les meilleurs, que les ignorans commandent
aux sages, & bref que les aueugles guident &
conduisent les clairs-voyans, le tout au grand preiudice
perte & subuersion des Estats.
Quant à la punition des meschans, il faut exactement
obseruer les Ordonnances faites sur ce suiet, car il ne se
peut rien adiouster de mieux.
Mais il se faut bien garder de cette lasche & honteuse
maxime qui est de donner aux meschans pour les retirer
du mal qu’ils font, ou pour les empescher d’en faire à
l’aduenir ; car outre qu’ils sont de la nature du diable leur
autheur, qui ne se peut gagner par nulle sorte de biensfaits,
l’exemple en est si pernitieux, qu’il est capable
de faire trebucher les meilleures ames, soit par le depit
de voir les seruices mesprisez, & les déseruices recompensez,
ou soit mesme pour l’esperance d’auoir du bien
par cette voye indirecte, la voyant asseurée & courte
pour arriuer au but ou chacun tend, à sçauoir les biens,
& les honneurs : Cette maxime dis je de l’impunité du