[retour à un affichage normal]

Mazarinade n° C_6_42

Image de la page

Anonyme [[s. d.]], L’OMBRE DV ROY D’ANGLETERRE APPARVE A LA REYNE DE FRANCE. , françaisRéférence RIM : M0_2597. Cote locale : C_6_42.

extraordinairement esmuë d’vn iuste ressentiment
de la voir accabler de tant de mal-heurs : on n’y voit
par tout que les ruines des temples abatuës, & de
Throsne renuerse és : on ne marche de tous costés
que sur des corps morts, & dans des riuieres de sang :
on n’y entent de toutes parts que les cris des veufues,
& orphelins, les plaintes d’vne infinité de
pauures miserables, & les soupirs, & les gemissements
des vierges violées : en vn mot il n’y a
point d’endroit où l’on ne voyet vne confusion effroyable
de miseres, d’horreurs, de fureur & de
massacres.
 
O Dieu immortel que cera-ce si pendant ceste
guerre fatalle entre l’Espagne & vostre Royaume
le Turc entre dans la Chrestienté ? Où est-ce
qu’il laissera vn seul vestige de la Religion que
Iesus christ à conseruée par son sang, & cependant
qui seroit assés stupide pour ne pas craindre
cét horrible mal-heur si les Princes chretiens
ne se mettenten estat par vne paix generale de
s’opposer aux progres de cet infidelle ? Mais qui
doubte que vostre Royaume ne se ressent aussi bien
que les autres des desordres de la guerre : qu’elque
bonté & quelque prudence que vous ayes deuë
pour empescher quelle n’en fust entierement accablee ;
on y voit apres tout, bien des terres ruinées,
bien des Provinces appauuries, bien des familles
ruinées : il y a beaucoup de déreglement dans la
Iustice, de corruption dans les Finances, & d’iniquité
dans les mœurs. Mais qui a t’il que la paix
vniverselle qui puisse estre le remede de tant de
maux ; c’est elle qui rendra la fertilité à la campagne,