[retour à un affichage normal]

Mazarinade n° B_3_3

Image de la page

Anonyme [1652], L’ESPRIT DV FEV ROY LOVIS XIII. A SON FILS LOVIS XIV. Luy monstrant que la mauuaise conduite de Mazarin, est la cause des troubles de l’Estat. Et luy donnant les moyens infaillibles de les appaiser, par son retour en sa bonne Ville de Paris. , françaisRéférence RIM : M0_1287. Cote locale : B_3_3.

perd. Ne faites point à deux fois de ce traistre, qui
ne vous nuit pas moins esloigné que present : & si
la colere des Princes & des peuples ne la pû détruire
iusqu’icy, croyez que le Ciel le reserue à vostre
vengeance, comme vne victime digne d’elle ; &
monstrez en perdant cet ingrat, qui est vn tribut
que doit l’Italie à la iustice des Roys de France deuenus
Maieurs, que si vous frapez de cette façon le
Pasteur, ne doutez point que les brebis de ce maudit
troupeau ne se dissipent en vn moment : mais
en mesme temps descendez en vostre bonne Ville
de Paris, où vous serez receu comme vne viuante
Diuinité : là ne distinguez point les Mazarins d’auec
les Frondeurs, puis que les vns & les autres ne
feront plus qu’vn mesme corps animé d’vn pareil
desir de se sacrifier pour vostre seruice ; ne substituez
point aussi de Ministre en la place du premier,
mais prenez conseil des plus considerables,
& plus gens de bien de vostre Estat, afin de les
rendre cautions de l’euenement de vos entreprises.
Que vostre premiere Declaration tende
au soulagement de vos peuples, pour former
vn doux presage de vostre Regne renaissant.
Assemblez bien-tost les Estats, pour representer
les besoins de vostre Estat, & monstrer que
vous voulez vous conformer à la volonté de vos
bons sujets. Restablissez l’ordre de vostre Royaume,
& commencez par la reddition des comptes
des Partisans. Sacrifiez les plus coupables à la haine