[retour à un affichage normal]

Mazarinade n° B_3_3

Image de la page

Anonyme [1652], L’ESPRIT DV FEV ROY LOVIS XIII. A SON FILS LOVIS XIV. Luy monstrant que la mauuaise conduite de Mazarin, est la cause des troubles de l’Estat. Et luy donnant les moyens infaillibles de les appaiser, par son retour en sa bonne Ville de Paris. , françaisRéférence RIM : M0_1287. Cote locale : B_3_3.

tout d’vn coup dans la France, comme on
void quelquefois plusieurs maux accabler vn
corps dans cette maladie, qu’on nomme vulgairement
rumatisme, ou comme dans le temps
calme, on void en pleine mer s’esleuer inopinément
des orages, que les Matelots appellent
Grains, qui font faire naufrage aux plus experts :
Mais puis qu’il n’en va pas de l’vn comme de l’autre,
& que les troubles qui naissent dans les
Estats, ne procedent pas de causes difficiles à reconnoistre
comme les rumatismes, & les orages
de mer, (outre que les Medecins & les Matelots,
tiennent des remedes preparez contre les vns &;
les autres) qu’il confesse que nos malheurs ne
sont arriuez que par le defaut de sa preuoyance
& de sa conduite, ou que plustost il a contraint
les François à force d’outrages, de concussions,
& de voleries, de se porter premierement au murmure
contre luy, puis à la sedition, puis à la guerre
ouuerte, dont il a le premier leué le signal. Le
discours n’est-il pas ridicule en effet, d’asseurer
suiuant ce qu’on a desia mis en auant en sa faueur,
qu’il a paru bon Ministre iusques à la naissance
des troubles : comme qui diroit d’vn mauuais.
Pilotte, que sans les orages qui sont suruenus
en mer, il eust eu l’adresse de conduire sa flotte
au port desiré : Ne sçait-on pas que les grands
Estats & les grandes mers, ne sont point longtemps
en vne mesme assiette ? & que les troubles