[retour à un affichage normal]

Mazarinade n° C_6_80

Image de la page

Anonyme [1649], L’EQVIPROQVO DE L’AVTRE MONDE, SVR L’ARRIVEE DV MAZARIN. ET L’ARREST IRREVOCABLE RENDV contre ce Cardinal du mesme nom. VN COVRIER ARRIVE DEPVIS PEV de l’autre monde, m’en a apris des nouuelles, dont ie vous veux faire part mon cher Damon, si vous l’auez pour agreable, voicy à peu pres ce qu’il m’a dit. , françaisRéférence RIM : M0_1272. Cote locale : C_6_80.

fait, il respondit à ses ingenument, ce qu’il fit voir
qu’il ny auoit pas grande malice en ce pauure diable
& qu’il ne trempoit point aux meschancetez de son
frere, c’est pourquoi il fut seulement degradé de
son Cardinalat, & comme il n’estoit pas plus noble
de vertu que d’estraction, il fut enuoyé auec les roturieres
& artisans de la basse classe trauailler aux
ouurages mecaniques & necessaires pour l’entretien
du grand & puissant Royaume de l’autre monde ; en
suitte dequoi l’arrest de son frere fut registré, & on
attend son arriuée en bonne deuotion pour lui prononcer
& lui faire executer. Apres que ce Courier
eu ainsi finy sa relation, il me vint vne curiosité de
sçauoir pourquoi il y auoit si peu de temps que ce
Cardinal estoit arriué, & qui y auoit desia si long-temps
qu’il estoit party, il me dit qu’il auoit esté interrogé
la dessus, & qu’il fit responce qu’il n’auoit
peu venir plustost à cause de sa pesanteur & grosseur
ce qui fut pris pour vne mauuaise excuse, mais enfin
elle passa ; on a toutefois depuis appris de luy,
que ce n’auoit pas tant esté cette cause qui l’auoit
retardé, comme l’estime qu’il auoit que sa mort si
soudaine & si extraordinairement arriuee pouuoit
amander son frere, & que si cela arriuoit, il en seroit
peut estre mieux receu en ces païs-là, mais
comme il a veu qu’il ne s’amendoit point pourquoy
que ce fut, & que au contraire il alloit tousiours
de pis en pis, il s’est enfin resolu de venir tout
doucement, & en effect il n’est arriué que depuis