Mazarinade n° B_15_27
Image de la page
Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.
au profit, au lucre, & au reuenu de l’Estat, lequel
ils veulent proportionner au prix qu’ils en ont payé,
au profit que leurs deniers leur rapporteroient, s’ils
estoient employez en rente ou autre heritage.
Bref ie dis, que vendre les offices de judicature,
c’est vendre la Iustice, qui est la chose la plus sacrée
du monde. C’est vendre la Republique. C’est vendre
le sang des sujects : c’est vendre les Loix : Et en
ostant les loyers de l’honneur de vertu, de sçauoir,
de pieté, & de Religion, c’est ouurir la porte aux
larrecins, concussions, auarice, iniustice, ignorance,
impiete, & à tous vices & ordures.
Ie pense, SIRE, vous auoir representé, la plus
part des maux & desordres qui sont en vostre Royaume,
par le moyen desquels, vous & nous auons
encouru le courroux & indignation de Dieu, à raison
de quoy nos afflictions continuent de mal en
pis : Lesquelles ne cesseront iamais, iusques à ce
que vous y aportiez les faciles remedes, que Dieu
a mis sous vostre puissance : la pluspart desquels, ie
vous ay deduits, cy-deuant. Mais pour y paruenir
plus aisément, & ramener à guerison ce corps si malade,
il faut comme vn bon & fidelle medecin, que
vous ayez la volonté & le sir d’y apporter le salutaire
medicament : Et que par vne bonne & saincte
priere, vous impetriez de ce grand Roy des Rois,
nostre Dieu, qu’il vous donne sincerité de cœur, &
qu’il purifie vostre ame, pour consentir & vouloir
tout ce qui est requis en cet affaire. Et [illisible], qu’il
Image de la page