[retour à un affichage normal]

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.

à vous appauurir, peruertissant l’ordre de vos finances,
par l’interuertissement & confusion des assignations,
& reuocation d’icelles, afin que par tels
moyens ils ayent part au butin.
 
Mais il ne faut pas que vous oubliez à faire faire
le procez à vn millier de tels larrons publics, qui
sera vn sacrifice tres-agreable à Dieu.
Il n’y a auiourd’huy (SIRE) gens plus à leur
ayse que vos Tresoriers, venus neantmoins de bas
lieu, & qui ont pris croissance en vne nuict (comme
l’on dict communement des mauuaises herbes)
l’oppulence de leurs maisons est euidente : Les Palais
& Chasteaux magnifiques qu’ils ont fait, &
font encores iournellement bastir à la veüe de chacun,
le tesmoignent assez : pendant que la pluspart
de la noblesse, & de vos pauures Officiers, sont accablez
de despences, ruines, & pauuretées, venuës
en partie par les inuentions malicieuses de telles
personnes, lesquelles ne font que rire de toutes les
calamités publiques. Et qui en se ioüans (assis
à l’entour d’vn tapis de velours) destornent les assignations
bonnes & iustes, prennent & arrestent les
gages & rentes de vos pauures sujets, rauissent les
biens des Hospitaux & des pauures veufues & orfelins.
Toutes les loix de France condamnent à mort les
larrons domestiques, lesquels ne sont point quittes
pour restituer ce qu’ils ont pris : Mais à plus forte
raison le peculat & larcin des Financiers (tant ceux