[retour à un affichage normal]

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.

n’aille augmentant, de iour à autre, se souuenant continuellement,
du doux gouuernement, des Rois predecesseurs,
la vie desquels il regrette en vain : Comme
faisoit le peuple Romain, la vie de Iunius Brutus, lors
qu’il s’apperçeut des violens deportemens de Iules
Cesar, empietant la Monarchie Romaine. Et pource
qu’il n’estoit pas seur d’en parler librement, l’on écriuit
secrettement aux pieds de la statuë de Brutus ces
mots, vtinam viueres.
 
Gardez, SIRE, de donner occasion à vos sujets,
d’en escrire autant, sous les pieds de l’image de sainct
Louïs, ou de celles de vostre ayeul le Roy François premier
que Dieu absolue, & prenez peine de faire en
sorte, que vous soyez reconnu pour vn bon & sage
Roy, par vostre bon & iuste gouuernement.
Pour y paruenir plus aisement, il faut reuenir au
bon mesnage de vos Finances, la recepte desquelles
doit tousiours estre des moyens que Dieu vous offre,
petite ou grande selon les occasions, sans rançonner
& ruïner vostre peuple de tant de nouuelles daces &
imposts, qui ne font qu’affoiblir vostre Estat, & accueillir
la haine de chacun contre vous. Prenez de
vostre peuple ce qu’il vous donne d’ordinaire, & dont
il est ia assez chargé & le laissez en repos de tant d’extraordinaires
qu’on luy demande iournellement. Et
si vous voulez que vostre peuple vous aime à bon escient,
il faut que vous l’aimiez de mesme, & luy faciez
sentir à l’effet, les fruicts de vostre amour, & recognoissiez
que Dieu vous a faict & creé pour le peuple,
& non pas le peuple pour vous : le peuple peut aucunement