[retour à un affichage normal]

Mazarinade n° B_15_27

Image de la page

Anonyme [1652], L’AVTHORITÉ DES ROYS, DES PRINCES, DES REPVBLIQVES, ET DES PARLEMENS. Presenté au Roy dans la Ville de Pontoise par vn grand Prelat. , françaisRéférence RIM : M0_434. Cote locale : B_15_27.

des Loix, garde & tutrice des bons, & ennemie des
meschans. Bref la iustice est telle, que les hommes
sant icelle, ne peuuent conseruer ny viure ensemble,
& tant necessaire en tous Estats & conditions, que
les pyrates, voleurs & brigands, ne peuuent se maintenir
ensemble, sans quelque partie d’icelle. Outre
qu’elle est tant recommandee de Dieu, aux Migistrats
par ces mots plusieurs fois reïterez en l’Escriture sainte,
de faire iugement & iustice, si que tous ceux qui les
enfraignent & violent, ne sçauroient éuiter la malediction
& courroux de Dieu.
 
Or est-il que faire iustice, pour en parler proprement
& à l’effect, n’est autre chose en premier lieu que
faire garder les Commandemens de Dieu & de son
Eglise : lesquels Commandemens sont appellez en
l’Escriture saincte iustices & iustifications, tant pource
qu’en les obseruant, l’on fait la premiere iustice deuë
à Dieu en luy obeïssant, que pour autant, que par
cette obseruance & accomplissement de Commandemens,
nous sommes iustifiez deuant Dieu, En second
lieu faire iustice, est receuoir & prendre les innocens
en sauuegarde, les maintenir, deffendre, soustenir &
deliurer. Et faire iugement, est resister aux meschans
qui transgressent la loy de Dieu, & molestent le prochain,
reprimer leur violence, & les chastier & punir :
estant pour cette cause les Rois & Magistrats armez du
glaiue & de la puissance comme Ministres de Dieu,
afin, dit l’Escriture, de le venger en son ire.
En somme, Iustice tant diuine que humaine, consiste
en la remuneration des bons, & punition des