[retour à un affichage normal]

Mazarinade n° C_5_55

Image de la page

Anonyme [1649], LES HORRIBLES CRVAVTÉS FAITES DANS LES PROVINCES de France, par les gens de guerres d’Erlach & autres. , françaisRéférence RIM : M0_1668. Cote locale : C_5_55.

la mamelle, mourut disant mon Dieu pardonnés
moy mes fautes.
 
Les femmes & les filles de tous aages y ont
esté violées, sans y épargner aucune dedans les
Eglises, il s’y fait de plus grands masacres que dans
d’autres lieux, d’autant que beaucoup de personnes
s’y retire, ils y font toutes sortent de malice par
où il passent ils bruslent tout, la puanteur y est fort
grande à cause de la quãtité de personnes qui sont
morts, il y meurt aussi quantité de personnes de
soif, d’autãt qu’il n’y a que de l’eau infectée a cause
qu’il ont ietté quantité de corps dans les puits.
Proche de Farcy ont entré dans vne Eglise qui
estoit assez bien ornée, à cause de la Feste qui auoit
esté le iour precedant, lesquels pillerent tout
à la reserue des saintes Hosties, il y en eut vn pire
qu’vn Diable qui tira vn coup de mousquet contre
le Crucifix, & en suite tous les autres iusques à ce
qu’il tomba à terre : dans la Chappelle il y auoit
plusieurs femmes & filles, ils violerent les plus belle,
les autres les fouëterẽt iusques au mourir : celles
qui auoient esté violées furent liés à la queuë de
leurs cheuaux, mirent le feu à la Chappelle & s’en
allerent. Que dis-tu cher Lecteur n’as-tu le cœur
saisi, ne tremble tu pas en toy mesme, faut-il
qu’vn Dieu souffre pour vn mauuais Ministre qui
est l’Autheur de tous ces mal’heurs Ces gens pires
que des Diables ont pris & emmené quantité de