[retour à un affichage normal]

Mazarinade n° C_11_33

Image de la page

Anonyme [1651], LE TRIOMPHE DE L’INNOCENCE MANIFESTÉ Par la destruction des impostures & faux bruits qu’ont semé les Partisans du Cardinal Mazarin contre l’integrité de Monseigneur LE PRINCE. Auec les foibles raisons par lesquelles ils taschoient de déguiser leur médisance, pour rendre sa conduite odieuse & suspecte, que l’Autheur monstre ne pouuoir subsister, sans que ce Prince eut manqué contre toute sorte de bonne maxime. , françaisRéférence RIM : M0_3873. Cote locale : C_11_33.

trouue dans les esprits tant soit peu esclairez,
& détachez des interests & des passions du
Mazarin : de ce que la médisence mesme publie
qui ne faut que perdre ou esloigner
Monsieur le Prince pour remettre le Mazarin,
dautant que tous les autres obstacles sont foibles,
ou de telle nature qu’on peut aisément
en venir à bout : Ie l’apprends d’vn pareil procedé
qu’on a tenu pour le mettre en prison ;
ce qui eut tout le succés qu’on s’en estoit promis :
le l’apprends du genie Mazarin, duquel
on peut presumer tout ce que la ruse, & la
malice peuuent entreprendre.
 
Au commencement de cette campagne, on
enuoya quelques Regimens en diuerses Prouinces,
dans lesquelles ils n’estoient aucunement
necessaires, & le long sejour ny pouuoit
estre qu’intolerable. Les Chefs auoient la route
en blanc, & la liberté de viure à discretion ;
c’est à dire de commettre toute sorte de desordre :
Ils l’ont fait auec tant d’excés, que ces
Prouinces n’auoient souffert rien de pareil depuis
le commencement des guerres. Les Polonois
furent plus respectueux enuers les choses
sacrées il y a deux ans autour de Paris : les
Erlacs exercerent moins de cruauté l’année
passée dans la Picardie ; & ceux de Rose cette