[retour à un affichage normal]

Mazarinade n° C_11_33

Image de la page

Anonyme [1651], LE TRIOMPHE DE L’INNOCENCE MANIFESTÉ Par la destruction des impostures & faux bruits qu’ont semé les Partisans du Cardinal Mazarin contre l’integrité de Monseigneur LE PRINCE. Auec les foibles raisons par lesquelles ils taschoient de déguiser leur médisance, pour rendre sa conduite odieuse & suspecte, que l’Autheur monstre ne pouuoir subsister, sans que ce Prince eut manqué contre toute sorte de bonne maxime. , françaisRéférence RIM : M0_3873. Cote locale : C_11_33.

elle estre plus grande ny plus heureuse que de
rencontrer le moment critique, dãs lequel nous
pouuons trouuer nostre salut auec la perte de
l’ennemy commun ? On ne sçauroit prendre garde
à la part qu’y peut auoir M. le Prince, qu’on ne
reconnoisse à mesme temps la perfection de sa
politique, & la grandeur des obligations que
tous luy ont pour cette action.
 
Monsieur
le Prince ne
souffrira le
retour du
Mazarin en
Frãce, si ce
n’est pour
l’y voir perir.
Le Roy &
la Reine ne
doiuẽt non
plus le souffrir.
Le Mazarin
n’osera
reuenir tandis
que
Monsieur
le Prince
subsistera.
Son party
ne trauaille
que contre
cet obstacle.
Les preuues produites pour iustifier le zele que
M. le Prince témoigne pour la cause publique,
& la haine irreconciliable qu’il a raisonnablement
conçeu contre le Mazarin, pouuoit estre
suffisantes pour détruire les calomnies de la
mesdisance, qui tasche de faire passer sa moderation
pour vne intelligence secrete, les
esclats qu’elle a fait de temps en temps, pour des
industries pratiquées par la dissimulation, & son
voyage de Guyenne pour vn abandonnement
ingrat de l’interest commun, & vne protestation
manifeste qu’il ne veut plus s’opposer au retour
que nous apprehendons. Voicy que la verité
ialouse de ses aduantages me fournit vne
preuue de ce que j’auance, si sensible qu’il n’est
besoin que d’auoir des yeux, & voir faire Monsieur
le Prince pour demeurer conuaincu de son
innocence, qui consiste en la resolution qu’il a
de seruir le public par la perte de celui que tous
reconnoissent esgalement pour leur ennemi. Ie