[retour à un affichage normal]

Mazarinade n° B_11_36

Image de la page

Anonyme [1652], LE SYNDIC DV PEVPLE FRANÇOIS, ESLEV PAR MESSIEVRS LES BOVRGEOIS DE PARIS AV ROY. Luy representant les Intrigués, Fourberies, Carracteres & Magies, que le Cardinal Mazarin s’est seruy pour troubler l’Estat de tout son Royaume; Et comme il est indigne d’estre Ministre d’Estat, ny Cardinal. Auec vne representation de l’Estat François sous les Fauoris, à accomparer, tant du commancement du Reigne de Louys 13. que Dieu absolue, que du Reigne d’apresent. , françaisRéférence RIM : M0_3742. Cote locale : B_11_36.

le moyen de seruir Dieu & l’Eglise,
en leur fournissant raisonnablement
ce qui est necessaire à leur entretien,
& selon leur condition. D’où il s’ensuit
que la pluralité des benefices est vn grand
peché contre Dieu & contre ceux qui les
ont dottez : car le moyen qu’vn homme
seul puisse s’acquitter de plusieurs deuoirs
ausquels il se verra obligé. De plus c’est
vne chose asseurée par les Statuts mesme
de l’Eglise, & il est sans doute aussi tres-conforme
à la raison, que ce qu’vn beneficier
a de trop apres vne despense raisonnable
& conforme à sa condition, qu’il
en doit donner le reste aux indigens, puis
que le bien de l’Eglise c’est le bien des pauures.
Voicy vne pierre d’achoppement
bien grande pour le Cardinal Mazarin : Il
s’est tousiours fait voir si peu charitable,
tant pour les pauures, que pour les personnes
de merite & de lettres, qu’il n’a
iamais fait de bien, au contraire, il leur a
fait retrancher les liberalitez du feu Cardinal
Duc de Richelieu, qui faisoit bien paroistre
en ses actions vne autre manificence
que luy. A quoy donc pouuez-vous