[retour à un affichage normal]

Mazarinade n° B_12_63

Image de la page

Anonyme [1652], LE SESANVS ROMAIN AV ROY, OV L’ABBREGÉ DES CRIMES DV PROSCRIPT MAZARIN. , françaisRéférence RIM : M0_3667. Cote locale : B_12_63.

plus de quarante tonneaux, Quastus (dit Tite liue)
Patribus in decorus visus est, mais cela n’a point
de lieu en France, puis que le vice s’est changé
en vertu, & qu’estre homme de bien est deffendu
soubs le regne de Sesanus.
 
Et cependant en la necessité ou vous estes, Sesanus
ne voit point que nous sçauons que vos fermes
sont augmentees de plus du tiers, la despence
de vostre Maiesté diminuée de beaucoup, si ce
n’est les pensions qu’il a renforcees en faueur de
ceux qui trahissent leur ordre & leur maistre, qui
se sont departis de la recherche de ses voleries &
de ses actions qui le maintienent & le portent en
ses souplesses, à ces nouveux Conseillers ie dis à
ses confidens, ausquels il a fait augmenter des
sommes excessiues par chacun an, au moins si
vos pensions & vos dons estoient distribuez comme
faisoient les Roys de Perse, & de Macedoine,
ou comme faisoit celuy d’Egypte vers Aratus, qui
auoit l’estat à sa deuotion, cela seroit supportable,
mais il les distribue à ses confidans & amis, non à
vos seruiteurs.
La passion Sire, ne me faict point parler, ie
n’ay aucun interest en ses affaires, mais la verité
guide mes paroles, iamais Catelina Marius ny silla,
dont l’histoire Romaine fait mention, ne furent
si pernicieux à l’Empire que ce nouuel Sesanus l’est
à la France, le Trionvirat ne fit iamais tant de