[retour à un affichage normal]

Mazarinade n° E_1_80

Image de la page

Anonyme [1652], LE SESANVS ROMAIN AV ROY, L’ABBREGÉ DES CRIMES DV PROSCRIPT MAZARIN. , françaisRéférence RIM : M0_3667. Cote locale : E_1_80.

contenter le public, & auroient eux mesmes remit
leurs charges a vostre deposition, au premier signe
qu’ils en eussent receu de vostre Maiesté, comme ils
ont publiquement & particulierement assez de fois
declaré qu’ils sont encores prests de faire à la premiere
semonce qui leur en sera faite de sa part.
 
Ces personnes si sainctes & si obeissantes (Sire)
que mesme la Reyne reconnoist pour tels ; ces grands
hõmes sacrez tuteurs & depositaires de la Iustice, auront-ils
changé d’humeur à present ? il n’est pas possible
ny croyable qu’ils veulent contredire ce qu’ils
vous ont offert, & puis qu’ils se soubmettent à l’examen
de la Iustice, qu’ils declarent en particulier &
en public vouloir contenter la France, & se demettre
de leurs charges ? pourquoy exposera-on vostre Royaume
en proye, & le faire deuorer par le feu d’vne
guerre intestine ?
Guerre qui affoiblit vostre authorité, incommode
vostre personne, ruine l’Estat, dissipe vos subiets, &
fait dependre de la discretion & de la merci de vos
voisins, & de vos ennemis, & tout cela pour maintenir
des pestes publiques.
Nous n’avons point encor oublié nos dernieres
fureurs ciuilles, nos compagnes ne sont point encores
desgraissees des corps morts quelles ont couverts,
nos riuieres, nos fleuves & nos fontaines rougissent
encores du sang des François, & voulez vous Sire,
que pour vn tyran & ses adherans qui ruinent vostre